«الەۋمەتتىك جەلىلەردە بەلگىلى ءبىر سىياقى ءۇشىن جۇرگىزۋشى كۋالىگىن الۋعا كومەك كورسەتەتىندەر تۋرالى اقپارات تاراپ جاتىر. وسىنداي زاڭسىز ارەكەتتەر ءۇشىن قىلمىستىق جاۋاپكەرشىلىك كوزدەلەدى. الاياقتاردىڭ الدىن الا تولەمدى سۇراپ الىپ, ارتىنان ءىزىن سۋىتاتىنىن دا اتاپ كەتكەن ءجون. وسىعان بايلانىستى ءىىم ازاماتتاردى مۇقيات بولۋعا جانە كۇماندى كەلىسىمدەردەن اۋلاق بولۋعا شاقىرادى. مۇنداي تاسىلمەن جۇرگىزۋشى كۋالىگىن الۋ مۇمكىن ەمەس» – دەپ مالىمدەدى ۆەدومستۆو.
قازاقستاننىڭ قولدانىستاعى زاڭناماسىنا سايكەس, جۇرگىزۋشى كۋالىگىن الۋ ءۇشىن اۆتومەكتەپتە وقۋدان ءوتىپ, قاجەتتى سانات بويىنشا كۋرستى اياقتاعانى تۋرالى كۋالىك الۋ قاجەت. كەيىن سول سانات بويىنشا تەوريالىق جانە پراكتيكالىق ەمتيحانداردى تاپسىرۋ ءۇشىن ارنايى حقكو-عا جۇگىنۋ كەرەك. ول ءۇشىن جەكە باستى كۋالاندىراتىن قۇجاتتاردى, اۆتومەكتەپتە وقۋ كۋرستارىن اياقتاعانى تۋرالى كۋالىكتى, مەديتسينالىق انىقتامانى, جۇرگىزۋشى كۋالىگىن دايىنداۋ ءۇشىن مەملەكەتتىك باج تولەنگەنى تۋرالى تۇبىرتەكتى ۇسىنۋ قاجەت. ەمتيحانداردى ءساتتى تاپسىرعان جاعدايدا ازاماتقا كولىك باسقارۋعا ارنالعان جۇرگىزۋشى كۋالىگى بەرىلەدى. بۇل – مىندەتتى راسىمدەر.
«كۇدىكتى ۇسىنىستار انىقتالعان جاعدايدا دەرەۋ پوليتسياعا حابارلاسۋ قاجەت», – دەپ تۇيىندەدى مينيسترلىك.
