فوتو: gp8.kz
اپتالىقتى ۇيىمداستىرۋعا جاسوسپىرىمدەردىڭ جىنىستىق ءومىردىڭ ەرتە باستالۋىنان تۋىندايتىن قاۋىپتەن اراشالاۋ ماسەلەسى تۇرتكى بولعان. مۇندا ەرتە جۇكتىلىكتىڭ الدىن الۋ, جاسوسپىرىمدەر اراسىندا جىنىستىق جولمەن تارايتىن ينفەكتسيالاردىڭ جانە ايتۆ-ينفەكتسياسىنىڭ تارالۋىنا جول بەرمەۋ سىندى اسا ماڭىزدى باعىتتار بار. اپتالىق اياسىندا العا قويعان مىندەتتەردى ۇيلەسىمدى ىسكە اسىرۋ ءۇشىن جەرگىلىكتى مەملەكەتتىك ورگانداردىڭ, حالىقارالىق جانە ۇكىمەتتىك ەمەس ۇيىمداردىڭ رەسۋرستارى جۇمىلدىرىلعان. بۇدان الدىن رەپرودۋكتيۆتى دەنساۋلىقتى ساقتاۋ ماسەلەلەرى بويىنشا سپيكەرلەر پۋلى قۇرىلىپ, جۇمىستىڭ نەگىزگى باعىتتارى پىسىقتالعانىن ايتا كەتكەنىمىز ءجون.
اپتانىڭ العاشقى كۇنىندە ورتالىق كوممۋنيكاتسيالار قىزمەتىنىڭ الاڭىندا, سونداي-اق بارلىق وڭىرلەردە ءباسپاسوز ءماسليحاتى وتكەن. مۇنىڭ ىزىنشە جالپى رەپرودۋكتيۆتى دەنساۋلىق, جاسوسپىرىمدەر مەن جاستاردىڭ رەپرودۋكتيۆتى دەنساۋلىعى, وتباسىن جوسپارلاۋ, جىنىستىق جولمەن تارايتىن ينفەكتسيالارعا قارسى تۇرۋ, ادام پاپيللوماۆيرۋسىنىڭ الدىن الۋ سىندى كۇن تارتىبىندەگى نەگىزى باعىتتار نازاردان تىس قالمادى. اپتا شەڭبەرىندە ۇلتتىق كوميسسيا مۇشەلەرى ەرتە جۇكتىلىكتىڭ الدىن الۋ, جاسوسپىرىمدەر مەن جاستاردى تاربيەلەۋ بويىنشا قابىلدانىپ جاتقان ءىس-شارالارعا ەگجەي-تەگجەي تالداۋ جۇرگىزدى.
بۇدان وزگە ۇلتتىق كوميسسيا مۇشەلەرىنىڭ قاتىسۋىمەن اقپاراتتىق-اعارتۋ ءىس-شارالارى, دەنساۋلىق ورتالىقتارىندا اشىق ەسىك كۇنى ءوتتى. جاستار مەن جاسوسپىرىمدەر, اتا-انالار قاۋىمداستىعى تەگىن مەديتسينالىق تەكسەرۋدەن ءوتىپ, كونسۋلتاتسيا الدى. سونىمەن قاتار دارىستەر, سەمينارلار, دوڭگەلەك ۇستەل وتىرىستارى, ساۋالنامالارمەن قوسا سپورتتىق جانە ساۋىقتىرۋ ءىس-شارالارى ۇيىمداستىرىلعان. وبلىس, قالا, اۋدان, اۋىلداردا ۇيىمداستىرىلعان اپتالىقتا تۇرعىندار رەپرودۋكتيۆتى دەنساۋلىق تۋرالى سەنىمدى اقپاراتتى بىلۋگە, بىلىكتى ماماندارعا سۇراق قويىپ, تەكسەرۋدەن وتۋگە مۇمكىندىك الدى. ۇلتتىق كوميسسيا ساراپشىلارى قاراپ قالماي, ستاتسيونارلارعا, ەمحانالىق بۋىن مەكەمەلەرىنە, وتباسىن جوسپارلاۋ ورتالىقتارىنا, جاستار دەنساۋلىق ورتالىقتارىنا, بالالار ۇيلەرىنە, وقۋ ورىندارىنا, بالالار ورتالىقتارىنا باردى. ولار جاي بارماي, ۇكىمەتتىك ەمەس ۇيىمداردىڭ وكىلدەرىمەن, دارىگەرلەرمەن جانە وسى سالانىڭ بەيىندى ماماندارىمەن كەزدەستى.
سونىمەن اپتالىق بارىسىندا ەل بويىنشا بارلىعى 10 000-عا جۋىق ءىس-شارا ءوتىپ, وعان 300 000-نان اسا ادام قاتىسقان. قۋانتارلىعى ونىڭ 40%-ى – جاسوسپىرىمدەر. وڭىرلەر اراسىندا دەنساۋلىق ساقتاۋ مينيسترلىگىنىڭ باستاماسىمەن ۇيىمداستىرىلعان ءىس-شارالارعا قاتىسۋدان الماتى قالاسى, اباي وبلىسى, الماتى, قاراعاندى جانە تۇركىستان وبلىستارى كوش باستادى. اكىمدىكتە – استانا, الماتى, اتىراۋ, اقتوبە, اباي, الماتى, قاراعاندى جانە باتىس قازاقستان وبلىستارى العا شىعىپتى.
اپتالىق سوڭى دوڭگەلەك ۇستەل وتىرىسىمەن تۇيىندەلدى. وندا ۇلتتىق كوميسسيا ساراپشىلارى مەن مەملەكەتتىك ورگانداردىڭ وكىلدەرى باس قوسىپ, قورىتىندى شىعاردى. سايكەسىنشە, وسى كۇنى ۇلتتىق كوميسسيا ساراپشىلارى حالىقتىڭ رەپرودۋكتيۆتى دەنساۋلىعىن ساقتاۋ جانە نىعايتۋ بويىنشا ۇسىنىستاردى سارالاي كەلە, ۇسىنىس-تىلەكتەردى باسشىلىققا الدى.
