سەكسەن جىلدىق تاريحى بار وبلىستىق پەريناتالدىق ورتالىقتا وسى ۋاقىتقا دەيىن 300 مىڭنان اسا شاقالاق دۇنيەگە كەلىپتى. ورتالىق ارنايى مامانداندىرىلعان مەكەمە بولعاننان كەيىن تولعاعى اۋىر, دەنساۋلىعى ناشار انالاردىڭ 22-24 پايىزى وتا ارقىلى بوساندىرىلادى.
مۇندا دياگنوستيكالىق جانە لاپاروسكوپيالىق تاجىريبە نەگىزىندە سالماعى 500 گرامم جانە ودان دا از نارەستەلەردى ارناۋلى ورىندارعا جاتقىزىپ, دارىگەرلەردىڭ باقىلاۋى ارقىلى ءومىرىن ساقتايدى.
«جىل سايىن №1 وبلىستىق پەريناتالدىق ورتالىققا 10 مىڭنان استام ايەل جاتقىزىلىپ, ونىڭ ءاربىرى جەكە كوڭىل ءبولۋدى تالاپ ەتەتىن كۇردەلى جاعدايدا بوسانادى. بيىلعى جىلدىڭ 5 ايىندا 4093 بوسانۋ جاعدايى تىركەلىپ, 4192 ءسابي دۇنيەگە كەلسە, بۇل بىلتىرعى جىلدىڭ ءسايكەس كەزەڭىمەن سالىستىرعاندا 166 نارەستەگە ارتىق», – دەدى ورتالىق باس دارىگەردىڭ ورىنباسارى اقمارال ەلمۇرزاەۆا. ءسوز رەتى كەلگەندە ايتا كەتەيىك, بيىلعى جىلى دۇنيەگە كەلگەن ءسابيلەردىڭ 91-ءى ەگىز بولسا, 4-ءۋى – ۇشەم.
باقتيار تايجان,
«ەگەمەن قازاقستان».
وڭتۇستىك قازاقستان وبلىسى.
