كەنتاۋدا «قولجەتiمدi باسپانا-2020» باعدارلاماسىن iسكە اسىرۋ ماقساتىندا رەسپۋبليكالىق جانە وبلىستىق بيۋدجەتتەن بولىنگەن 387 ملن. 225 مىڭ تەڭگەگە 5 قاباتتى 60 پاتەرلi تۇرعىن ءۇي پايدالانۋعا بەرiلدi.
– ەلىمىزدە, قالامىزدا حالىقتىڭ الەۋمەتتىك ماسەلەلەرىن شەشىپ, قولايلى تۇرمىس جاعدايىن جاساۋدا كوپتەگەن جۇمىستار اتقارىلۋدا. بۇل باعىتتا بىرنەشە مەملەكەتتىك باعدارلامالار جۇمىس ىستەۋدە. سولاردىڭ ءبىرى – ەلباسىنىڭ قولعا الۋىمەن جاسالعان «قولجەتiمدi باسپانا-2020» باعدارلاماسى. اتالعان باعدارلاما اياسىندا وسى تۇرعىن ءۇيدى تۇرعىزۋعا مۇمكىندىك تۋدى. جاقىندا ەلباسى «100 ناقتى قادام» باعدارلاماسىن جاريالادى. وندا دا ەلدى دامۋدىڭ داڭعىل جولىنا باستايتىن نەگىزگى باعىتتار كورسەتىلگەن. ەلىمىزدىڭ كەلەشەگى كەمەل, بولاشاعى ايقىن. ماڭگىلىك ەل بولۋ جولىندا جۇمىس جاسالىپ كەلەدى. حالىقتى باسپانامەن قامتۋ ءىسىن جالعاستىرۋدى الداعى ۋاقىتتا دا جوسپارلاپ وتىرمىز. قازىرگە كەزدە ەكى ءۇيدىڭ جوبالاۋ-سمەتالىق قۇجاتتارىن ءبىتىرىپ قويدىق. قارجىلاندىرۋ ماسەلەسى شەشىلسە, تۇرعىن ۇيلەردى تۇرعىزۋدى باستايمىز. كەزەكتە تۇرعان 1000-عا جۋىق ادامدى وسىلايشا باسپانامەن قامتۋ ءىسىن جالعاستىرا بەرەمىز, – دەدى تۇرعىنداردىڭ قۋانىشىن بولىسكەن قالا اكىمى ابدىباقىت ماقۇلباەۆ. قارت قاراتاۋدىڭ ەتەگىندە وتىرعان, كەزىندە پايدالى قازبالارىمەن ءماشھۇر بولعان كەنتاۋدى مۇحتار اۋەزوۆ قاراتاۋدىڭ تاجىنە تەڭەگەن ەدى. ايتسا ايتقانداي, ءساندى قالا. توقىراۋ تۇستارىندا توزىپ كەتكەنى بولماسا, جاياۋ جۇرگىنشىلەرگە اياق جولداردان بولەك, ۆەلوسيپەدكە ارنالعان, ەلەكتر شامدارى جارقىراعان جولى بار, ساياباقتارى كوپ, جاسىل جەلەككە بولەنگەن كوركەم قالا ەۋروپانىڭ شاعىن قالالارىن كوزگە ەلەستەتەتىن. سوڭعى جىلدارى كەنتاۋ قايتا اجارلانىپ كەلەدى. جيىندا ءسوز العان كەنتاۋ ءماسليحاتىنىڭ حاتشىسى كەرىمجان سەرىكباەۆ پەن قالالىق ارداگەرلەر كەڭەسىنىڭ توراعاسى يساحان جۇماباەۆ بۇل 60 پاتەردىڭ ەلىمىز ەگەمەندىك العاننان بەرى كەنتاۋدا پايدالانۋعا بەرىلگەن العاشقى تۇرعىن ءۇي ەكەندىگىن ايتقان. جاڭا پاتەر, ەڭ الدىمەن, ۇلى وتان سوعىسىنىڭ ارداگەرلەرى مەن الەۋمەتتىك جاعدايى تومەن وتباسىلارعا, بيۋدجەتتىك مەكەمە قىزمەتكەرلەرىنە بەرىلدى. كوپتەن بەرى پاتەر تاپشىلىعىن تارتىپ جۇرگەن وتباسىلار مەملەكەتتىڭ قامقورلىعىنا العىستارىن ايتۋدا. جاقىندا كەنتاۋ قالاسىنداعى سپورت مەكتەبىندە قازاقستانعا ەڭبەگى سىڭگەن جاتتىقتىرۋشى, كەنتاۋ, تۇركىستان قالالارىنىڭ قۇرمەتتى ازاماتى, پروفەسسور جارىلقاسىن وڭالبەكوۆتىڭ جۇلدەسىنە دزيۋدودان وبلىستىق جارىس ءوتتى. قالا اكىمى سپورت مەكتەبىن كۇردەلى جوندەۋدەن وتكىزۋگە قارجى بولگەن ەكەن. جارىسقا ارنايى كەلگەن ابدىباقىت ماقۇلباەۆ سپورتقا كەرەكتى قۇرال-جابدىقتارمەن ءالى دە قامتاماسىز ەتىلەتىندىگىن ايتتى. وتكەن عاسىردىڭ سەكسەنىنشى جىلدارىندا قالالىق سپورتتىڭ باسشىسى جارىلقاسىن وڭالبەكوۆ باستاۋىمەن قازاقشا كۇرەس, سامبودان رەسپۋبليكادا الدىڭعى ورىندا جۇرەتىن كەنتاۋ قۇراماسى وسى جارىستا باس جۇلدەگە يە بولدى. ياعني, كەنتاۋ سپورتىندا ورلەۋ بار. شاعىن قالالار وسىلايشا وركەندەپ كەلەدى.
باقتيار تايجان, «ەگەمەن قازاقستان».
وڭتۇستىك قازاقستان وبلىسى.
