فوتو: dknews.kz
دەپۋتاتتىڭ پىكىرىنشە, بۇل - حالىق كوپتەن كۇتكەن زاڭ. مەملەكەت باسشىسى لۋدومانيانى ەڭ قاۋىپتى الەۋمەتتىك ماسەلەلەردىڭ ءبىرى دەپ اتادى.
«كەيبىر دەرەكتەر بويىنشا, قازاقستاننىڭ 400 مىڭعا جۋىق ازاماتى قۇمار ويىن ويناپ, بۋكمەكەرلىك كەڭسەلەرگە ءجيى بارادى. بۇدان قوعامعا كەلىپ جاتقان زالال كوپ: وتباسىلار اجىراسىپ جاتىر, كەيبىرەۋلەر ءىرى قارىزدارعا كىرگەننەن كەيىن قىلمىس جاسايدى نەمەسە ءوزىن ولتىرۋگە بەل بۋادى. پرەزيدەنت اتاپ وتكەندەي, ازاماتتار ونلاين كازينولاردىڭ جانە بۋكمەكەرلىك كەڭسەلەردىڭ سايتتارىنا كەدەرگىسىز قول جەتكىزە باستادى», دەپ جازدى دەپۋتات.
سەناتور اتاپ وتكەندەي, بۇل كەسەلگە ەرەكشە نازار اۋدارۋ – باستى تالاپ.
ەسكە سالايىق, قۇمار ويىندارعا/باس تىگۋگە قاتىسۋعا تىيىم سالىناتىن ادامداردىڭ ءتىزىمى كەڭەيتىلدى. ولاردىڭ قاتارىنا بورىشكەرلەردىڭ بىرىڭعاي تىزىلىمىندە تۇرعان مەملەكەتتىك لاۋازىمدى قىزمەتتەردى اتقاراتىن تۇلعالاردىڭ قاتىسۋى شەكتەلگەن. مەملەكەتتىك قىزمەتشىلەر, قۇمار ويىندارعا/باس تىگۋگە قاتىسقانى ءۇشىن اسكەري قىزمەتشىلەر, ارناۋلى جانە قۇقىق قورعاۋ ورگاندارىنىڭ قىزمەتكەرلەرى جانە ت.ب. جۇمىستان شىعارىلۋى مۇمكىن.
