ەسكە سالا كەتەيىك, جەكسەنبى, 7 شىلدە كۇنى سارىسۋ اۋدانى جاڭاتاس قالاسىندا قاتتى جاۋىن-شاشىن سالدارىنان كولبەۋ اعىن قالىپتاسىپ, بىرقاتار كوشەدەگى 400-دەن استام ءۇيدىڭ اۋلاسى مەن 47 ءۇيدىڭ ءىشىن سۋ الدى.
شىعىندى ەسەپتەۋ, قوسىمشا ناقتىلاۋ شارالارى جالعاسىپ جاتىر.
جەرگىلىكتى اتقارۋشى ورگان جانە توتەنشە جاعدايلار دەپارتامەنتىنەن جۇمىلدىرىلعان 50-دەن استام ادام تۇرعىندارعا كومەكتەسىپ, سۋ ايداۋ جۇمىستارىن جۇرگىزىپ جاتىر. بۇدان بولەك, 17 بىرلىك تەحنيكا تارتىلىپ, 11 موتوپومپا قولدانىلىپ وتىر. قاجەتتى تەحنيكالار سانىن ارتتىرۋ ءۇشىن جەدەل شارالار قولعا الىنعان.
قازىر ارنايى تەحنيكالاردىڭ كومەگىمەن سۋدى توقتاتۋ, باعىتىن بۇرۋ جۇمىستارى ۇزدىكسىز اتقارىلىپ جاتىر.
زارداپ شەككەن تۇرعىندار ءۇشىن قابىلداۋ پۋنكتەرى دايىندىققا كەلتىرىلدى. ازاماتتاردى تاسىمالداۋعا ارنايى كولىكتەر قاراستىرىلعان.
جالپى, توتەنشە جاعداي سالدارىن جويۋ, قالىپقا كەلتىرۋ بويىنشا ناقتى جۇمىستار جۇرگىزىلىپ وتىر.
ەربول قاراشوكەەۆ جەدەل شتاب وتىرىسىندا بولعان جاعدايدىڭ قايتالانباۋى ءۇشىن سەبەبىن زەردەلەۋ بويىنشا جاۋاپتى تۇلعالارعا ناقتى مىندەتتەر جۇكتەدى.
«ارنايى كوميسسيا قۇرىلىپ, تۇرعىندارعا, زارداپ شەككەن نىساندارعا زاڭ تالاپتارىنا سايكەس بارلىق قاجەتتى كومەك, قولداۋ كورسەتىلەدى. ءبىز بۇل قيىندىقتى دا بىرگە ەڭسەرەمىز», دەگەن ءوڭىر باسشىسى اتالعان جاعداي جەكە باقىلاۋىندا بولاتىنىن باسا ايتتى.
ايتا كەتەيىك, اۋدانداعى احۋال تۇراقتى, سۋ دەڭگەيى تومەندەدى. ادام, مال شىعىنى جوق.
جامبىل وبلىسى
