فوتو: pxhere
«جەرگىلىكتى تۇرعىن ادام قۇقىقتارى جونىندەگى ۋاكىلدىڭ اقمولا وبلىسى بويىنشا وكىلىنە جۇگىنىپ, ەلەكتر قۋاتىن قوسۋعا كومەك سۇراعان. ءوتىنىش بەرۋشى جالعىز تۇرادى. زەينەتكەر ەڭبەك ارداگەرى, سونداي-اق II توپتاعى مۇگەدەك ەكەنى كورسەتىلگەن», دەلىنگەن ومبۋدسمەننىڭ جەلىدەگى پاراقشاسىندا.
ماۋسىم ايىنىڭ سوڭىندا ول ءوزىنىڭ پاتەرىندە ەلەكتر قۋاتىن وشىرگەن جەرگىلىكتى ەلەكتر جەلىسىنىڭ قىزمەتكەرلەرىمەن تىلدەسكەن. الايدا زەينەتكەردىڭ جارىقتى وشىرمەۋ تۋرالى ءوتىنىشى ەلەنبەي قالىپتى.
ۋاكىل وكىلى ەنەرگيا جەلىسىنىڭ باسشىسىنا قوڭىراۋ شالىپ, ءوتىنىش بەرۋشىنىڭ 1 690 تەڭگە كولەمىندە بەرەشەگى بار ەكەنىن انىقتادى.
زەينەتكەر قارىزىن وتەپ, وعان ايىپپۇلسىز ەلەكتر قۋاتى قوسىلدى.
