فوتو: قىزىلوردا وبلىسى اكىمدىگى
قامشىبەك قوڭقاباەۆ قىتايدىڭ حانچجوۋ قالاسىندا وتكەن ءحىح جازعى ازيا ويىندارىندا كۇمىس جۇلدەگەر اتانىپ, پاريج وليمپياداسىنا جولداما جەڭىپ العان ەدى. قىزىلوردا وبلىسىنىڭ اكىمى نۇرلىبەك نالىباەۆ سپورتشىدان تورتجىلدىقتىڭ باستى باسەكەسىنە دايىندىعىن سۇرادى.
«وليمپيادا ويىندارىنا قاتىسىپ, جەڭىس تۇعىرىنان كورىنۋ – ءار سپورتشىنىڭ ارمانى. بۇل – ەڭبەكسۇيگىشتىكتىڭ, پاتريوتيزم مەن ءوز كۇشىنە دەگەن سەنىمنىڭ ۇلگىسى. چەمپيوندارىمىزعا قاراپ, مىڭداعان جاستىڭ سپورتقا دەگەن قۇلشىنىسى ارتادى. بۇگىنگى كەزدەسۋدىڭ باستى ماقساتى – ەلدىڭ ىستىق ىقىلاسى مەن تىلەگىن جەتكىزۋ. ارقا سۇيەيتىن, تىلەۋىڭدى تىلەيتىن قالىڭ ەلىڭنىڭ, جەرلەستەرىڭنىڭ اتىنان ءوزىڭدى قولداۋ ءارى ىنتالاندىرۋ ءۇشىن ارنايى سىي-سياپات جاساپ, باسپانا كىلتىن تابىستاۋدى ءجون كوردىك», دەدى نۇرلىبەك نالىباەۆ.
جاڭا پاتەر يەسى دە ءوز كەزەگىندە پاريج وليمپياداسىندا جەڭىس تۇعىرىنان كورىنۋگە كۇش سالاتىنىن ايتتى.
