سولتۇستىك قازاقستان تاربيەلەنۋشىلەرى «ءۇمىت» كۋبوگىن» جەڭىپ الدى

پەتروپاۆل. 11 ماۋسىم. وبلىستىق جەتىم جانە اتا-انانىڭ قاراۋىنسىز قالعان بالالار مەكتەپ-ينتەرناتتىڭ كومانداسى باسكەتبولدان وتكەن رەسپۋبليكالىق چەمپيوناتتا «ءۇمىت» كۋبوگىن يەلەندى.  بۇل تۋرالى وبلىستىق ءبىلىم باسقارماسىنىڭ ماماندارى حابارلادى. بايراقتى باسەكە اقمولا وبلىسىنىڭ ششۋچە قالاسىندا ءوتىپ, ءۇش توپقا بولىنگەن ون سەگىز كوماندا ءوزارا كۇش سىناستى. اسا تارتىستى وتكەن دودا بارىسىندا پەتروپاۆل, قوستاناي جانە استانا باسكەتبولشىلارى باس جۇلدەنى ساراپقا سالدى. قوس قارسىلاسىن 72:32 جانە 66:60 ەسەپتەرىمەن ۇتقان سولتۇستىك قازاقستان وبلىسى تاربيەلەنۋشىلەرىنىڭ مەرەيى ۇستەم بولدى.  تەمىرلان اۋباكىروۆ “چەمپيوناتتىڭ ەڭ شەبەر ويىنشىسى” اتانىپ, تەلەديدار تابىس ەتىلدى. «ناتاليا روگوزينانىڭ شەبەر جاتتىقتىرۋى ارقاسىندا قىزدار مەن ۇلدار كوماندالارى مەكتەپ وقۋشىلارىنىڭ قالالىق سپارتاكياداسىندا جەڭىسكە جەتكەن بولاتىن. ەندى, مىنە, تەمىرعالي ماەكەنوۆ باسقاراتىن “حالىق بانكى” اق وبلىستىق فيليالىنىڭ دەمەۋشىلىك سەنىمىن اقتاپ, ەكىنشى جىل قاتارىنان «ءۇمىت» كۋبوگىنىڭ يەگەرى اتاندى», دەيدى جەتىم جانە اتا-انانىڭ قامقورلىعىنسىز قالعان مەكتەپ-ينتەرناتتىڭ ديرەكتورى ريزابەك كاكپەنوۆ. ءومىر ەسقالي. دەرەك, سۋرەت: سولتۇستىك قازاقستان وبلىستىق ءبىلىم باسقارماسى.