شىمكەنتتە پروكۋرورلىق اكتىمەن ارىز يەسىنىڭ ەڭبەك قۇقىعى قورعالدى

استانا. 11 ماۋسىم. وڭتۇستىك قازاقستان وبلىستىق پروكۋراتۋراسى ءوڭىردىڭ ءبىلىم باسقارماسىنا قاراستى كوزى ناشار كورەتىن بالالارعا ارنالعان «ءۇمىت» مەكتەپ-ينتەرناتىنىڭ بۇرىنعى ديرەكتورى ز.مۇستافانىڭ اتقارىپ وتىرعان قىزمەتىنەن بوساتۋ تۋرالى سوت اكتىسىمەن كەلىسپەي جازعان ارىزىن قارادى. بۇل تۋرالى وڭتۇستىك قازاقستان وبلىستىق پروكۋراتۋراسىنىڭ سوتتا مەملەكەت مۇددەسىنە وكىلدىك ەتۋ باسقارماسى حابارلادى. ناقتى ايتساق, شىمكەنت قالاسى اباي اۋداندىق سوتىنىڭ 2015 جىلعى 19 قاڭتارداعى شەشىمىمەن تالاپكەر ز.مۇستافانىڭ جاۋاپكەر «وڭتۇستىك قازاقستان ءبىلىم باسقارماسى» مەملەكەتتىك مەكەمەسى تارتىپتىك كەڭەس وتىرىسىنىڭ حاتتاماسىن, قىزمەتىنەن بوساتۋ تۋرالى بۇيرىقتى زاڭسىز دەپ تانۋ, بۇرىڭعى قىزمەتىنە قايتا ورنالاستىرۋ, لاجسىز بوس جۇرگەن ۋاقىتىنا جالاقى جانە مورالدىق زياندى ءوندىرۋ تۋرالى تالاپ ارىزى ءىشىنارا قاناعاتتاندىرىلدى. ناتيجەسىندە تالاپكەر جۇمىسىنا قايتا ورنالاستىرىلىپ, امالسى بوس جۇرگەن ۋاقىتىنىڭ جالاقىسى ءوندىرىلدى. وبلىستىق سوتتىڭ ازاماتتىق جانە اكىمشىلىك ىستەر جونىندەگى اپەللياتسيالىق سوت القاسىنىڭ 2015 جىلعى 6 ساۋىردەگى قاۋلىسىمەن ءبىرىنشى ساتىلى سوت شەشىمىنىڭ قىزمەتتەن بوساتۋ تۋرالى بۇيرىقتى زاڭسىز دەپ تانۋ, بۇرىنعى قىزمەتىنە قايتا ورنالاستىرۋ, لاجسىز بوس جۇرگەن ۋاقىتىنا جالاقى ءوندىرۋ تۋرالى بولىگى وزگەرتىلىپ, تالاپتىڭ وسى بولىگىندە قاناعاتتاندىرۋسىز قالدىرۋ تۋرالى جاڭا شەشىم قابىلداپ, تالاپكەر ز.مۇستافا اتقارىپ وتىرعان قىزمەتىنەن بوساتىلعان. وبلىستىق پروكۋراتۋرامەن ز.مۇستافانىڭ ارىزىن قاراۋ ناتيجەسىمەن, اپەللياتسيالىق القانىڭ قاۋلىسىنا 2015 جىلى 27 مامىردا كاسساتسيالىق نارازىلىق ەنگىزىلدى. وبلىستىق سوتتىڭ كاسساتسيالىق سوت القاسىنىڭ 2015 جىلدىڭ 3 ماۋسىمىنداعى قاۋلىسىمەن پروكۋروردىڭ نارازىلىعى قاناعاتتاندىرىلىپ, سوت اكتىسى زاڭداستىرىلىپ, تالاپكەر ز.مۇستافا بۇرىنعى قىزمەتىنە قايتا ورنالاستىرىلدى. وسىلايشا, پروكۋرورلىق اكتىمەن ارىز يەسىنىڭ ەڭبەك قۇقىعى قورعالدى. ەلامان قوڭىر. دەرەك: وڭتۇستىك قازاقستان وبلىستىق پروكۋراتۋراسىنىڭ سوتتا مەملەكەت مۇددەسىنە وكىلدىك ەتۋ باسقارماسى. سۋرەت: otyrar.kz.