بايگەگە تۇسكەن شىعارمالار اراسىنان اقىن, ارداگەر ۇستاز ءبايدىلدا ايداربەكوۆتىڭ ء«ان-عۇمىر» اتتى پەساسى جۇلدەلى ورىنعا يە بولدى. قازاقستان جازۋشىلار وداعى باسقارماسى توراعاسىنىڭ ورىنباسارى, اقىن, جازۋشى نۇرجان قۋانتاي بايگەنىڭ جۇلدەسىن تابىستادى.
ءبايدىلدا ايداربەكوۆ تۇركىستان وبلىسى سوزاق اۋدانىندا دۇنيەگە كەلگەن. زەينەتكەرلىككە دەيىن اۋداندىق مەكتەپتەردە ۇستازدىق ەتكەن. وسىعان دەيىن ولەڭدەرى ارقىلى تانىمال بولعان ايداربەكوۆتىڭ «ۇستاز», «التىن وردانىڭ التىن تاعى», «قايتا ورالعان باقىت», «جاحيد», «تاعدىر تاۋقىمەتى», ء«اليانىڭ بيىگى», «جانىم – ارىمنىڭ ساداعاسى», «ەل بولامىن دەسەڭ, بەسىگىڭدى تۇزە», «كۇنا مەن جازا», «ورىندالعان تىلەك», «وتىرىكتىڭ شەگى», «ماحاببات پەن دوستىق» سىندى پەسالارى سوزاق اۋدانى, شىمكەنت, تاراز, قىزىلوردا جانە الماتى تەاترلارىندا قويىلعان.
بايقاۋ قورىتىندىسىنا ورايلاستىرىلعان وڭىرلىك 15 تەاتردان كەلگەن ادەبي ءبولىم مەڭگەرۋشىلەرىنىڭ «تەاترلارداعى ادەبي بولىمدەردىڭ ستراتەگياسى» اتتى ينتەنسيۆ سەمينارىنا بايلانىستى وتكەن ءباسپاسوز كونفەرەنتسياسىنا قازاقستان جازۋشىلار وداعىنىڭ باسقارما حاتشىسى, سىنشى ءاليا بوپەجانوۆا, قازاقستاننىڭ تەاتر سىنشىلار بىرلەستىگىنىڭ ۆيتسە-پرەزيدەنتى, تەاترتانۋشى امانگەلدى مۇقان, جازۋشى-دراماتۋرگ, رەجيسسەر, اسىلبەك يحسانوۆ, جازۋشى-دراماتۋرگ, ادەبيەتتانۋشى الىبەك بايبول, تۇركىستان مۋزىكالىق دراما تەاترىنىڭ ديرەكتورى ءالىمحان مىرزاحان قاتىستى. سەميناردا ادەبي ءبولىم مەڭگەرۋشىلەرىنىڭ ورتاق ماسەلەسى قوزعالدى. الداعى ۋاقىتتا ولاردىڭ تەاتر رەپەرتۋارىن تاڭداۋدا الاتىن ورنىنىڭ ماڭىزدىلىعىنا باسا ءمان بەرۋ, ادەبيەت ءبولىمىنىڭ تەاتر شىعارماشىلىعىنا ىقپالى جايىندا اشىق سۇحبات بولدى. دراماتۋرگ پەن تەاتر اراسىنداعى بايلانىستى قالىپتاستىراتىن ادەبي ءبولىم مەڭگەرۋشىسى – پەسالاردى وقىپ, سارالايتىن, باعا بەرەتىن, اۆتورلارمەن تىعىز قارىم-قاتىناستا جۇمىس ىستەيتىن, رەپەرتۋارىن قالىپتاستىراتىن مامان. قاتىسۋشىلار كەزىندە تەاتردا ادەبي ءبولىم مەڭگەرۋشىلەرى بولىپ مۇحتار اۋەزوۆ, قاليحان ىسقاق, اسقار سۇلەيمەنوۆ, جاقسىلىق تۇمەنباەۆ, يسرايل ساپارباي, اشىربەك سىعاي, ءسۇلتانالى بالعاباي سىندى قازاقتىڭ ءبىرتۋار ازاماتتارى ەڭبەك ەتكەنىن اتاپ ءوتتى. سونداي-اق سەميناردا بۇگىنگى ادەبي ءبولىم مەڭگەرۋشىلەرىنىڭ بەدەلى تۋرالى ايتىلدى. ن.قۋانتاي «ادەبيەت پەن ونەردى مەملەكەتتىك قولداۋ ساياساتىنىڭ زاماناۋي ەرەكشەلىگى», ش.وماروۆا «تەاترلارداعى ادەبي بولىمدەردىڭ ستراتەگياسى», ءا.بوپەجان «تەاترلاردىڭ رەپەرتۋارلىق ساياساتى», ءا.بايبولوۆ «بالالار ادەبيەتىندەگى زاماناۋي ىزدەنىستەر» تاقىرىبىندا لەكتسيالار وقىپ, تاقىرىپتار تالقىلاندى. ا.مۇقان «قازاق دراماتۋرگياسىنىڭ دامۋ تەندەنتسيالارى», ا.يحسانوۆ «پروزاعا ينستسەنيروۆكا جاساۋ ونەرى» اتتى شەبەرلىك ساباقتارىن وتكىزدى. ادەبي ءبولىم مەڭگەرۋشىلەرىن كوپتەگەن تەاتر باسشىسى «پيسارعا» اينالدىرىپ, كۇللى كىرىپ-شىعاتىن حاتىن «موينىنا ءىلىپ», قىزمەتتىك جۇكتەمەگە اينالدىراتىنى تۋرالى دا ءسوز قوزعالدى. اسىرەسە باسشىلىققا قارسى داۋىس كوتەرمەيتىن جاستارعا مىندەتتەپ قوياتىنى ايتىلدى. «جازۋشىلار وداعى مەن مادەنيەت مينيسترلىگى بىرىگىپ, تەاتر رەپەرتۋارىن نازارعا السا, كوپ ماسەلە شەشىلەر ەدى», دەيدى دراماتۋرگ سايا قاسىمبەك. ال تۇركىستان مۋزىكالىق دراما تەاترىنىڭ كوركەمدىك جەتەكشىسى جانە ادەبيەت ءبولىمىنىڭ مەڭگەرۋشىسى شىنار وماروۆا قازىر ادەبي ءبولىم مەڭگەرۋشىلەرىنىڭ كوبى تەاتر, فيلولوگيا, جۋرناليستيكا سالاسىنان شىققان ماماندار ەكەنىن ايتادى. «مۇمكىن ءبىزدىڭ ءبىلىمىمىزدىڭ جەتكىلىكسىزدىگى تەاترداعى «ورنى جوق ماماندىق» بولۋعا يتەرمەلەپ تۇرعان شىعار. سوندىقتان دا, الدىمەن بىلىكتىلىگىمىزدى كوتەرۋىمىز كەرەك دەگەن وي كەلدى. سەمينار وتكىزۋگە دە وسىنداي ويلار تۇرتكى بولدى», دەدى ش.وماروۆا.
سونىمەن قاتار سەمينارعا قاتىسۋشىلار كونە تۇركىستاندى ارالاپ, تاريحي ماعلۇماتتارمەن سۋسىندادى.
تۇركىستان
