اقتوبەدە ءماسليحات دەپۋتاتتارى قوعامدىق قابىلداۋ جۇرگىزدى

اقتوبە. 11 ماۋسىم. اقتوبە وبلىستىق ءماسليحاتىنىڭ دەپۋتاتتارى ءانۋار تاسىموۆ پەن دميتري دوۆماتەنكو «جاس وتان» جاستار قاناتىنىڭ «جاستار – وتانعا!» پارتيالىق جوباسى اياسىندا قوعامدىق قابىلداۋ جۇرگىزدى. بۇل تۋرالى egemen.kz ءتىلشىسى حابارلادى. قالانىڭ ورتالىق بازارىندا ورنالاسقان «كەڭەس بەرۋ ورتالىعىندا» وتكەن شارادا جاستاردىڭ وزەكتى ماسەلەلەرى تىڭدالىپ, كەڭەس بەرىلدى. «نۇر وتان» پارتياسىنىڭ «ءساتتى قادام» جوباسى جانە جاستارعا قاجەتتى مەملەكەتتىك باعدارلامالار بويىنشا ءتۇسىندىرۋ جۇمىستارى جۇرگىزىلدى. «جاس وتان» جاستار قاناتى كەڭەس بەرۋ ورتالىعىنىڭ كەڭەسشىسى يسلام يسەنعازيەۆتىڭ ايتۋىنشا, ورتالىققا جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ, «تۇرعىن ءۇي قۇرىلىس جيناق بانكىنىڭ» جانە قارجى مينيسترلىگى مەملەكەتتىك كىرىستەر كوميتەتىنىڭ اقتوبە وبلىسى بويىنشا دەپارتامەنتى ماماندارى, جاستار ۇيىمدارىنىڭ وكىلدەرى, مەديتسينا قىزمەتكەرلەرى كەلىپ, حالىققا ءوز سالالارى بويىنشا كەڭەس بەرىپ كەلەدى. وسىنداي شارانىڭ ارقاسىندا جىل باسىنان بەرى 150-گە جۋىق ادام كەڭەس العان. ساتىبالدى ءساۋىرباي. دەرەك: egemen.kz. سۋرەت: kub.kz.