اقتوبەدە جاستار ساياساتىنا ارنالعان ەكى كۇندىك سەمينار باستالدى

اقتوبە. 11 ماۋسىم. اقتوبەدە وبلىستىق جاستار ساياساتى ماسەلەلەرى باسقارماسىنىڭ ۇيىمداستىرۋىمەن سەمينار ءوز جۇمىسىن باستادى. بۇل تۋرالى egemen.kz ءتىلشىسى حابارلادى. وقىتۋ سەمينارىنىڭ ماقساتى – مەملەكەتتىك جاستار ساياساتىن ءتيىمدى جۇزەگە اسىرۋ, اۋداندىق جاستارمەن جۇمىس جونىندەگى رەسۋرستىق ورتالىقتاردىڭ جۇمىسىن جۇيەلەۋ, ءبىر-بىرىمەن تاجىريبە الماسۋىن قامتاماسىز ەتۋ جانە مەملەكەت باسشىسىنىڭ بەس ينستيتۋتسيونالدىق رەفورماسىن جۇزەگە اسىرۋعا باعىتتالعان 100 ناقتى قادامىن جاستار اراسىندا ناسيحاتتاۋ بولىپ تابىلادى. اتالعان شارا «پرەزيدەنتتىك رەفورمانىڭ 5 ءتۇيىندى باعىتى, 100 ناقتى قادام» تاقىرىبىنداعى پلەنارلىق وتىرىسپەن باستالدى. سەمينار جۇمىسى 3 سەكتسياعا ءبولىنىپ اقپاراتتىق-كەڭىستىك جانە وقىتۋ باعدارلاماسىمەن جالعاسادى. ودان كەيىن جاستارمەن جۇمىس جونىندەگى رەسۋرستىق ورتالىقتار اراسىندا جۇمىس تيىمدىلىگىن ارتتىرۋ جانە جاستاردىڭ ءوزىن-ءوزى دامىتۋىنا باعىتتالعان «اۋدان جاستارى» اتتى بايقاۋ ۇيىمداستىرىلادى. ەرتەڭ «جاستار اراسىنداعى قۇقىق بۇزۋشىلىققا مۇلدەم توزبەۋشىلىك قاعيداتىن قالىپتاستىرۋ» جانە «جاستار ۇيىمدارىنىڭ قىزمەتىن كونسالتينگتىك قولداۋ» تاقىرىپتارىندا ترەنينگ وتكىزىلەتىن بولادى. ساتىبالدى ءساۋىرباي. دەرەك: egemen.kz. سۋرەت: elarna.kz.