«AMANAT» پارتياسىنىڭ ءباسپاسوز قىزمەتىنىڭ حابارلاۋىنشا, جۋرناليستەر اراسىنداعى رەسپۋبليكالىق بايقاۋ وسىمەن 15 جىل قاتارىنان وتكىزىلىپ كەلەدى. بيىل بايقاۋعا 200-گە جۋىق ادامنان 1500-گە جۋىق جۇمىس كەلىپ ءتۇستى. ولاردىڭ باسىم كوپشىلىگى – ايماقتارداعى باق قىزمەتكەرلەرى. سونداي-اق بيىل كەلىپ تۇسكەن بارلىق جۇمىستىڭ شامامەن 30%-ى ء«بىز بىرگەمىز» – سۋ تاسقىنىمەن كۇرەس تۋرالى ۇزدىك ماتەريال» نوميناتسياسىنا جولداندى.
ءماجىلىس سپيكەرى, «AMANAT» پارتياسىنىڭ توراعاسى ەرلان قوشانوۆ سىيلىق يەگەرلەرى مەن بارشا باق وكىلدەرىن الداعى كاسىبي مەرەكەلەرىمەن قۇتتىقتادى.
«جۋرناليستەر – مەملەكەت پەن قوعامنىڭ اراسىنداعى التىن كوپىر. سىزدەر ەلدىڭ دامۋ باعدارىن, مەملەكەت باسشىسىنىڭ رەفورمالارىن, وڭ وزگەرىستەردى حالىققا جەتكىزۋدە شەشۋشى رول اتقارىپ كەلەسىزدەر. پرەزيدەنت ايتقانداي, تەك مىقتى, كاسىبي جانە دەربەس ماسس-مەديا عانا شىنايى يدەولوگيالىق ەگەمەندىگىمىزدى قامتاماسىز ەتە الادى. كۇنى كەشە ونىڭ تاپسىرماسى بويىنشا ازىرلەنگەن «ماسس-مەديا تۋرالى» زاڭعا قول قويىلدى. بۇل قۇجات جۋرناليستەر قۇقىعىنىڭ قورعالۋىن كۇشەيتىپ, وتاندىق مەديا سالانى دامىتۋعا تىڭ مۇمكىندىكتەر بەرەدى», دەدى ەرلان قوشانوۆ.
سونىمەن قاتار «ايماق تۋرالى ەڭ ۇزدىك ماتەريال» نوميناتسياسىنىڭ جەڭىمپازى ءمولدىر ساپاروۆا بايقاۋدان العان اسەرىن ايتىپ بەردى.
ء«بىز ءوڭىردىڭ 80 جىلدىعىنا وراي, ارنايى رەپورتاج دايىندادىق. قازىلار القاسى بۇل جۇمىستى جۇلدەگە لايىق دەپ تانىعانى قۋانتادى. بۇل تەك مەنىڭ عانا جەكە جەتىستىگىم ەمەس, «Jetisý» تەلەارناسى ۇجىمىنىڭ ورتاق جەڭىسى», دەدى ول.
ءوز كەزەگىندە «جاستار تۋرالى ۇزدىك ماتەريال» نوميناتسياسىنىڭ جەڭىمپازى التىنبەك مەرسادىق وسكەلەڭ ۇرپاق جونىندە جازۋدىڭ جۋرناليستەر قاۋىمى ءۇشىن قانشالىقتى ماڭىزدى ەكەنىنە توقتالدى.
«باياندى بولاشاق – جالىندى جاستاردىڭ قولىندا. ولار جاڭا قادامدارعا باستاماشى بولىپ قانا قويماي, اركەز الەۋمەتتىك وزگەرىستەردىڭ قوزعاۋشى كۇشىنە اينالىپ جاتادى. ال جۋرناليستيكا بولسا, وسى جاستار قاۋىمىنىڭ قىزىعۋشىلىعى مەن قاجەتتىلىگىن بايانداي وتىرىپ, ولاردىڭ ومىردە وڭ باعىت-باعدار تاڭداۋىنا ىقپال ەتەدى», دەدى التىنبەك مەرسادىق.
وسىلايشا, كونكۋرستىق كوميسسيانىڭ شەشىمىمەن كەلەسى ازاماتتار «AMANAT مەديا سىيلىعىنىڭ» بيىلعى جەڭىمپازدارى:
- «ەلىمىزدەگى رەفورمالار تۋرالى ۇزدىك ماتەريال» نوميناتسياسىندا – «Qazaqstan» تەلەارناسىنداعى «اپتا» باعدارلاماسىنىڭ جەتەكشىسى ءارى جۇرگىزۋشىسى جاينا سلامبەك;
- «ادال ازامات» تۋرالى ۇزدىك ماتەريال» نوميناتسياسىندا – «24 KZ» تەلەارناسىنداعى «ارنايى جوبا» باعدارلاماسىنىڭ اۆتورى ءارى جۇرگىزۋشىسى ايعانىم دوستانباي;
- «جاستار تۋرالى ۇزدىك ماتەريال» نوميناتسياسىندا – «Aikyn.kz» سايتىنىڭ رەداكتور-ءجۋرناليسى التىنبەك مەرسادىق;
- «ايماق تۋرالى ەڭ ۇزدىك ماتەريال» نوميناتسياسىندا – «يندۋستريالنايا كاراگاندا» گازەتى ديرەكتورىنىڭ ورىنباسارى-باس رەداكتور وكسانا مياگكيح جانە «Jetisý» تەلەارناسىنىڭ ءجۋرناليسى ءمولدىر ساپاروۆا;
- «AMANAT» پارتياسىنىڭ جۇمىسى تۋرالى ۇزدىك ماتەريال» نوميناتسياسىندا – «ليتەر» گازەتىنىڭ ءتىلشىسى مەرگۋل دجيلكيشينوۆا;
- «الاش» قوزعالىسى تۋرالى ۇزدىك ماتەريال» نوميناتسياسىندا – «Caspian News» تەلەارناسىنداعى تاقىرىپتىق باعدارلامالار ءبولىمىنىڭ شەف-رەداكتورى ايدوس قارابالا;
- ء«بىز بىرگەمىز» – سۋ تاسقىنىمەن كۇرەس تۋرالى ۇزدىك ماتەريال» نوميناتسياسىندا – «قازاق راديولارى» اقپاراتتىق-ساراپتاۋ قىزمەتىنىڭ رەداكتورى ازامات تىلەپوۆ جانە «Egemen Qazaqstan» گازەتىنىڭ اتىراۋ وبلىسى بويىنشا مەنشىكتى ءتىلشىسى جولداسبەك شوپەعۇل.
ارنايى سىيلىق يەگەرلەرى:
- شەرحان مۇرتازا جانە كامال سمايىلوۆ اتىنداعى «تەلەۆيزيا ۇزدىگى» سىيلىعىن – جۋرناليست ءارى تەلەجۇرگىزۋشى ايگۇل مۇكەي;
- «بەلسەندى ازاماتتىق ۇستانىمى ءۇشىن» سىيلىعىن – «Mangystau» تەلەارناسىنىڭ رەداكتورى ءارى جۇرگىزۋشى شىنار جۇماسات;
- قانىش ساتباەۆ اتىنداعى «عىلىم الەمى» سىيلىعىن – «Qazaqstan» تەلەارناسىنىڭ ارنايى ءتىلشىسى ازامات نۇعىمانوۆ يەلەندى.
