ۇبت باستالعالى 79 پايىزعا جۋىق تالاپكەر شەكتى بالدى جيناعان. ال جالپى باتىسقازاقستاندىقتاردىڭ ورتاشا كورسەتكىشى – 72 بالدى قۇراپتى. بۇدان بۇرىن حابارلاعانىمىزداي, ەڭ جوعارى بالل – 136. ونىڭ يەسى – ورال قالاسىنداعى «Abyroi school» جەكە مەكتەبىن ءبىتىرۋشى قۇرالاي ەسەنعوجينا ەكەنىن بۇدان بۇرىن حابارلاعان بولاتىنبىز.
ايتا كەتەيىك, وڭىردەگى تەستىلەۋ ورتالىقتارىندا تالاپكەرلەر ءۇشىن بارلىق جاعداي جاسالعان. سونىڭ ىشىندە ەرەكشە قاجەتتىلىگى بار ۇمىتكەرلەر ءۇشىن قولايلى جاعداي جاساۋدىڭ ارقاسىندا ۇبت-عا ءتورت اپتانىڭ ىشىندە 20 ەرەكشە تالاپكەر قاتىسىپتى. ۇبت باستالعالى بەرى وڭىردە 5 ادامنىڭ تاراپىنان ەرەجە بۇزۋشىلىق انىقتالعان. ءبىر تالاپكەر سمارتفون, شپارگالكا جانە باسقا دا تىيىم سالىنعان زاتتى الىپ ءوتۋ ارەكەتى سالدارىنان تەست تاپسىرۋ مۇمكىندىگىنەن ايىرىلدى. ال تەستىلەۋ كەزىندە ەرەجە بۇزعانى ءۇشىن اۋديتوريادان 4 ادام شىعارىلىپ, ولاردىڭ ناتيجەلەرى جويىلعان.
جالپى, باتىس قازاقستان وبلىسى بويىنشا 6 381 ادام بيىلعى ۇبت سىناعىنا قاتىسۋ ءۇشىن تىركەلگەن بولاتىن. ولاردىڭ 75,3%-ى قازاق تىلىندە, 24,7%-ى ورىس تىلىندە, 1 ادام اعىلشىن تىلىندە تەستىلەۋدەن وتۋگە ءوتىنىش بىلدىرگەن.
باتىس قازاقستان وبلىسى
