پرەزيدەنت قاسىم-جومارت توقاەۆتىڭ سايلاۋالدى باعدارلاماسىندا «ادىلەتتى قازاقستان: ءبارىمىز جانە ارقايسىمىز ءۇشىن. قازىر جانە ءاردايىم» قۇقىق بۇزۋشىلىقتىڭ الدىن الۋ جۇيەسىنىڭ تيىمدىلىگىن ارتتىرۋ, ازاماتتاردىڭ قۇقىقتىق ءتارتىپتى قامتاماسىز ەتۋ جونىندەگى شەشىمدەردى ازىرلەۋگە قاتىسۋىن كەڭەيتۋ مىندەتى قويىلعان بولاتىن.
اتالعان مىندەتكە قول جەتكىزۋ ماقساتىندا قازىر ەل ۇكىمەتى قۇقىق بۇزۋشىلىقتاردىڭ الدىن الۋ تۋرالى زاڭ جوباسىن ازىرلەۋ ۇستىندە. ول قازىرگى قولدانىستاعى «قۇقىق بۇزۋشىلىقتاردىڭ الدىن الۋ تۋرالى», «تۇرمىستىق زورلىق-زومبىلىقتىڭ الدىن الۋ تۋرالى», «كامەلەتكە تولماعاندار اراسىنداعى قۇقىق بۇزۋشىلىقتاردىڭ الدىن الۋ تۋرالى, بالالاردىڭ قاداعالاۋسىز جانە پاناسىز قالۋىنىڭ الدىن الۋ تۋرالى», «باس بوستاندىعىنان ايىرۋ ورىندارىنان بوساتىلعان ادامداردى اكىمشىلىك قاداعالاۋ تۋرالى», سونداي-اق «ازاماتتاردىڭ قوعامدىق ءتارتىپتى قامتاماسىز ەتۋگە قاتىسۋى تۋرالى» بەس زاڭدى بىرىكتىرمەك. ال پارلامەنتاريزم ينستيتۋتى قۇجاتقا ءوزىنىڭ تۇزەتۋلەرى مەن ۇسىنىستارىن دايىندايدى.
دوڭگەلەك ۇستەلگە قاتىسقان پارلامەنت دەپۋتاتتارى, مەملەكەتتىك ورگانداردىڭ وكىلدەرى, ساراپشىلار مەن عالىمدار اتاپ وتكەندەي, قۇقىق بۇزۋشىلىقتىڭ الدىن الۋ سالاسىندا بىرىڭعاي زاڭ ازىرلەۋدىڭ ۋاقىتى كەلدى. زاڭنىڭ قابىلدانۋى حالىقتىڭ قۇقىقتىق قورعالۋىن جاقسارتادى جانە قۇقىق قولدانۋ تاجىريبەسىن جەڭىلدەتەدى. وندا جاۋاپتى ورگانداردىڭ قۇزىرەتتەرى, سالاارالىق ۇيلەستىرۋ تەتىكتەرى جانە قۇقىق بۇزۋشىلىقتاردىڭ الدىن الۋ قۇرالدارى ناقتى جازىلۋى كەرەك.
پارلامەنتاريزم ينستيتۋتىنىڭ نورما شىعارۋ جونىندەگى اتقارۋشى ديرەكتورى الماس قاناتوۆ ەلدىڭ قاۋىپسىزدىك دەڭگەيى ونىڭ دامۋىنىڭ نەگىزگى ولشەمدەرىنىڭ ءبىرى ەكەنىن اتاپ ءوتتى. سونىمەن قاتار سەنات دەپۋتاتى ناۋرىزباي بايقاداموۆ, پرەزيدەنتتىك ورتالىق ديرەكتورىنىڭ ورىنباسارى سەرىك سىدىقوۆ, پارلامەنتاريزم ينستيتۋتىنىڭ ساراپشىسى, زاڭ عىلىمدارىنىڭ دوكتورى الىبەك تەمەربەكوۆ, ءىىم اكىمشىلىك پوليتسيا كوميتەتىنىڭ الدىن الۋ قىزمەتى باسقارماسىنىڭ باسشىسى رۋسلان قارجاسبەكوۆ, «استانا» حالىقارالىق ۋنيۆەرسيتەتىنىڭ دوتسەنتى ەرجان جامباەۆ زاڭ جوباسىنىڭ نورمالارىنا قاتىستى وي-پىكىرىن ورتاعا سالدى.
دوڭگەلەك ۇستەلدىڭ قورىتىندىسى بويىنشا دايارلانعان ۇسىنىمدار ودان ءارى قاراۋ ءۇشىن ۋاكىلەتتى ورگاندار مەن پارلامەنتكە جىبەرىلەدى.
