«قۇرمەتتى دارىگەرلەر! قادىرلى دەنساۋلىق ساقتاۋ سالاسىنىڭ قىزمەتكەرلەرى! كاسىبي مەرەكەلەرىڭىز قۇتتى بولسىن!
سىزدەر كۇن سايىن ادام ءومىرى ءۇشىن كۇرەسىپ, ۇلت ساۋلىعىن جاقسارتۋعا ولشەۋسىز زور ۇلەس قوسىپ كەلەسىزدەر. بۇل – وتە جاۋاپتى ءارى ابىرويلى ميسسيا.
دەنساۋلىق ساقتاۋ سالاسىن دامىتۋ, دارىگەرلەردى بارىنشا قولداۋ – مەملەكەتتىڭ ماڭىزدى مىندەتىنىڭ ءبىرى. ءبىز وزدەرىڭىزدىڭ قاجىرلى ەڭبەكتەرىڭىزدى قاشاندا جوعارى باعالايمىز. مەديتسينا قىزمەتكەرلەرىنىڭ مارتەبەسىن كوتەرۋگە جانە ولاردىڭ قۇقىقتارىن قورعاۋعا ءاردايىم باسا نازار اۋدارامىز. جاقىندا قابىلدانعان ارنايى زاڭ – وسىنىڭ ايقىن دالەلى. سونداي-اق ەلىمىزدە تۇڭعىش رەت «قازاقستاننىڭ ەڭبەك سىڭىرگەن دارىگەرى» اتاعى بەلگىلەندى. بۇل ماراپات حالىققا قالتقىسىز قىزمەت ەتكەن ناعىز مايتالمان ماماندارعا بەرىلەدى.
سىزدەر «ادال ازامات» تۇجىرىمداماسىنىڭ يدەالدارى مەن قۇندىلىقتارىن بەرىك ۇستانىپ, كاسىبي بىلىكتىلىك پەن انتقا ادالدىقتىڭ ۇلگىسىن كورسەتىپ جۇرسىزدەر.
قوعامنىڭ يگىلىگى جولىنداعى ەسەلى ەڭبەكتەرىڭىز ءۇشىن شىنايى ريزاشىلىعىمدى بىلدىرەمىن!
بارشاڭىزعا مىقتى دەنساۋلىق, باق-بەرەكە, تولايىم تابىس تىلەيمىن!», دەلىنگەن قۇتتىقتاۋدا.
