تمد ەلدەرىنىڭ ىشىندە ەڭ قىمبات تاكسي قازاقستاندا – ستاتيستيكا

Energyprom ساراپشىلارى تاكسيگە ەڭ كوپ سۇرانىسقا يە بولعان وڭىرلەردى انىقتادى:

باتىس قازاقستان وبلىسى – 3,8 ملن ادام;

الماتى – 3 ملن ادام;

استانا – 2,7 ملن ادام;

قاراعاندى وبلىسى – 1,4 ملن ادام;

قوستاناي وبلىسى – 1,3 ملن ادام.

تاكسي قىزمەتى جەتىسۋ (353,7 مىڭ ادام), اتىراۋ (407 مىڭ ادام) جانە الماتى (422,2 مىڭ ادام) وبلىستارىندا ەڭ از پايدالانىلعان.

جولاۋشىلار اينالىمى 14,7%-عا تومەندەپ, 553,2 ملن پكم قۇرادى.

جولاۋشىلار تاسىمالىمەن اينالىساتىن كومپانيالار قاڭتار-ءساۋىر ايلارىندا 2,8 ملرد تەڭگە كىرىس الدى. قۇندىق ماندەگى كىرىس ءوسىمى 53,8%-دى قۇرايدى.

2024 جىلدىڭ مامىر ايىنىڭ سوڭىندا تاكسي قىزمەتى ءبىر جىلمەن سالىستىرعاندا 11,7%-عا قىمباتتادى.

تاكسي قىزمەتى الماتىدا – 31,3%-عا, سونداي-اق اقتوبە (22,1%) جانە باتىس قازاقستان (21,3%) وبلىستارىندا ەڭ كوپ ءوستى. تاكسي قىزمەتىنىڭ قۇنى ەڭ جوعارى وسكەن بەس ايماققا سونداي-اق شىمكەنت (16,9%-عا) جانە اقمولا وبلىسى (13,5%-عا) كىردى.

باعانىڭ ەڭ از جىلدىق ءوسىمى سولتۇستىك قازاقستان (1%-عا), جامبىل (1%-عا) جانە ماڭعىستاۋ (4,4%-عا) وبلىستارىندا, سونداي-اق استانا قالاسىندا (5%-عا) تىركەلدى.

تاكسي قىزمەتتەرىنىڭ قۇنى بويىنشا الەمدىك رەيتيڭدە قازاقستان 73-ءشى ورىندا. ەلىمىزدە تاكسي قىزمەتتەرىنىڭ قۇنى ءبىر كيلومەترگە 0,67 دوللاردى قۇرادى – بۇل تمد مەملەكەتتەرى اراسىنداعى ەڭ جوعارى كورسەتكىش.

ال باسقا ەلدەرگن كەلەتىن بولساق, باعالار كەلەسىدەي ءبولىندى: ارمەنيا – 1 كم جولعا 0,28 اقش دوللارى, وزبەكستان – 0,29 اقش دوللارى, ۋكراينا – 0,3 اقش دوللارى, بەلارۋس – 0,31 اقش دوللارى, رەسەي – 0,34 اقش دوللارى, ازەربايجان – 0,59 اقش دوللارى.

الەمدەگى ەڭ تومەن تاكسي تاريفتەرى ەگيپەتتە, فيليپپيندە جانە جوعارىدا اتالعان ارمەنيادا, ەڭ جوعارىسى شۆەيتساريادا, ليۋكسەمبۋرگتە جانە كۋۆەيتتە.

التىناي ابدىش,

ل.ن.گۋميلەۆ اتىنداعى ەۇۋ ستۋدەنتى