فوتو: baq.kz
اۋىل شارۋاشىلىعى مينيسترلىگىنىڭ ءباسپاسوز قىزمەتى بۇل شەكتەۋ جازدىڭ سوڭىنا دەيىن كۇشىندە بولاتىنىن حابارلادى. تىيىم قازاقستان اۋماعى ارقىلى قانتتىڭ حالىقارالىق ترانزيتىنە قولدانىلمايدى. مامىر ايىنىڭ باسىندا بۇل ءونىمدى ەكسپورتتاۋعا شەكتەۋ قويۋ تۋرالى شەشىم قابىلداندى.
«جاز مەزگىلىندە ىشكى نارىقتا حالىق تاراپىنان دا, ونەركاسىپتىك تۇتىنۋشىلار تاراپىنان دا قانت تۇتىنۋدىڭ ارتۋى بايقالادى. وسىعان بايلانىستى ىشكى نارىقتى قامتاماسىز ەتۋ جانە ونىڭ رەەكسپورتىن بولدىرماۋ ماقساتىندا قانت ەكسپورتىنا ۋاقىتشا تىيىم سالىندى», دەپ ءتۇسىندىردى اۋىل شارۋاشىلىعى مينيسترلىگى.
مينيسترلىكتىڭ مالىمەتىنشە, قازىر قازاقستاندا قانت قىزىلشاسىنىڭ جاڭا ءونىمى پىسكەنشە ىشكى نارىقتاعى سۇرانىستى قاناعاتتاندىرۋعا جەتكىلىكتى قانت قورى بار. سونىمەن قاتار وتاندىق قانت زاۋىتتارى ءوندىرىستى قولداۋ ءۇشىن ەلدەردەن قامىس شيكىزاتىن يمپورتتايدى. ەەك شەڭبەرىندە قازاقستان ءۇشىن 2024 جىلعا ارنالعان 300 مىڭ توننا كولەمىندەگى قانت شيكىزاتىن باجسىز اكەلۋگە كۆوتا كەلىسىلدى.
التىناي ابدىش,
ل.ن.گۋميلەۆ اتىنداعى ەۇۋ ستۋدەنتى
