فوتو: rbc.ru
سەرىكتەستىك باسشىسى يسلام داۆۋزدىڭ ايتۋىنشا, مۇندا «سلاداري» ماركاسىمەن ءسۇت ونىمدەرىنىڭ 70-تەن استام ءتۇرى شىعادى ەكەن. جيىرما جىلعا جەتەعابىل ۋاقىت تىنىمسىز جۇمىس ىستەپ كەلە جاتقان كاسىپورىن وسى سالاداعى جوعارى ماراپاتتىڭ ءبىرازىن يەلەنگەن.
«قانداي دا ءبىر ءونىم الۋ ءۇشىن كاسىپكە بەت بۇرعان ازامات الدىمەن وزىق تەحنولوگيالارمەن جۇمىس ىستەۋگە دەن قويعانى ابزال. سوندا عانا ول ءوز ءىسىن ىلگەرىلەتە الادى. سونداي-اق تابيعي شيكىزاتتى پايدالانۋدىڭ ماڭىزى زور», دەيدى ول.
سان مەن ساپانى قاتار الىپ جۇرگەن سەرىكتەستىك باسشىسى جاڭا ونىمدەر جەلىسىن الداعى ۋاقىتتا ەۋروپا ەلدەرىنە ەكسپورتقا شىعارۋدى جوسپارلاپ وتىر. قازىرگى كەزدە وسى باعىت بويىنشا ناقتى جۇمىستاردى قولعا العان. قىسقاسى, مۇنداعى جۇمىس اۋقىمىنا قاراپ, «كۋليكوۆ جانە ك» جشس-نىڭ كونديتەرلىك ونىمدەرى كارى قۇرلىققا جول تارتاتىن كۇن الىس ەمەس. سەرىكتەستىك قازىرگى كەزدە بالمۇزداقتىڭ 120 ءتۇرىن شىعارادى. كاسىپكەردىڭ ايتۋىنشا, سوڭعى ۋاقىتتا ءسۇت ونىمدەرىنە دەگەن سۇرانىس ايتارلىقتاي ارتقان. سوندىقتان ول اسسورتيمەنتتى كەڭەيتۋگە كۇش سالىپ جاتىر.
ء«بىزدىڭ اۋداندا وندىرىلەتىن بالمۇزداق تۇرلەرى ەلىمىزدىڭ ءار قيىرىنداعى قالالاردىڭ دۇكەن سورەلەرىندە تولىپ تۇر. وزىمىزگە عانا ءتان ارنايى رەتسەپتىمەن شىعارىلعان بالمۇزداقتاردىڭ ەكسكليۋزيۆتى تۇرلەرىنە قىزىعۋشىلاردىڭ قاتارى ارتقانى قۋانتادى. اسىرەسە مۇزداتىلعان جانە كەپتىرىلگەن جيدەكتەر ارالاسقان بالمۇزداقتىڭ جاڭا تۇرىنە سۇرانىس جوعارى», دەيدى كاسىپكەر.
يسلام داۆۋز باسقاراتىن سەرىكتەستىكتىڭ تابيعي تاڭقۋراي مەن قۇلپىناي ارالاسقان «سلاداري ۆوستوكا» ءونىمىن جوعارى باعالاۋشىلاردىڭ قاراسى قالىڭ. ىلگەرىدە جۇرتشىلىققا ەتەنە تانىس «پلومبير» مەن «قاراقۇم» سەكىلدى ءتاتتى بالمۇزداققا جاڭا رەتسەپتىمەن ايرىقشا ءدام بەرگەنىن دە ايتا كەتكەن ءلازىم.
«وندىرەتىن ونىمدەرىمىزدى برەندكە اينالدىرۋ ءۇشىن قولدان كەلگەنشە جۇمىس ىستەپ جاتىرمىز. مەنەدجەرلىك جانە ماركەتينگتىك قادامداردىڭ ماڭىزى قاي كەزدە دە زور. ء«سلاداريدى» برەندكە اينالدىرۋ ءۇشىن ارنايى كولىكتەر قولدانامىز. سونداي-اق ءونىمنىڭ قاپتاماسىنا قاتىستى ديزاينعا دا ايرىقشا دەن قويامىز. مۇنىڭ بارلىعى ءونىمنىڭ برەند بولۋىنا سەپتىگىن تيگىزەتىنى داۋسىز», دەيدى ي.داۆۋز.
نارىقتى ەكولوگيالىق تازا ونىممەن قامتاماسىز ەتۋدى ماقسات ەتكەن سەرىكتەستىك سول يدەيانىڭ ۇدەسىنەن شىعىپ وتىر. قازىر «قورداي ءسۇت ونىمدەرى» كاسىپورنى وندىرەتىن تاتتىلەرگە دەگەن سۇرانىس ايتارلىقتاي ۇلعايدى. مۇنىڭ بارلىعى تىنىمسىز ەڭبەك پەن ۇزدىكسىز ىزدەنىستىڭ ناتيجەسى. زىمىرانداي زۋلاعان ۋاقىت كوشى العا وزسا دا, سەرىكتەستىك قىزمكەتكەرلەرى وزدەرى العا قويعان ماقساتتان ەش اينىماعانى راس.
يسلام داۆۋز باسقاراتىن كاسىپورىن الداعى ۋاقىتتا اۋىل شارۋاشىلىعى ونىمدەرىن وڭدەۋ باعىتىنا دا دەن قويىپ وتىر. ناقتىراق ايتساق, اشىتىلعان ءسۇت جەلىسىن ىسكە قوسىپ, ءوندىرىس كولەمىن ارتتىرۋ جولدارىن قاراستىرىپ كورمەك. ارينە, ول ءۇشىن تابيعي ءسۇت جەتكىلىكتى بولۋى شارت. وسى ءبىر وزەكتى ماسەلە رەتىمەن شەشىلسە, «سنەجوك» ءۆانيلدى ايرانىنىڭ ءدامىن ساعىنعاندار اڭساعان ونىممەن قايتا قاۋىشۋى ىقتيمال.
جامبىل وبلىسى,
قورداي اۋدانى
