كوممۋنالدىق سالاداعى سەرپىلىس

وبلىستىق ەنەرگەتيكا جانە تۇرعىن ءۇي كوم­مۋنالدىق شارۋا­شىلىق باسقارماسىنىڭ باسشىسى مەدەت ۋساين بيىل قى­زىلوردا قا­لاسىنىڭ تۇر­عىندارىنا ىستىق سۋ بەرىلە باس­تايتىنىن ايتىپ وتىر. وسى جىلى وبلىس ورتالىعىنداعى 187, ال 2025 جىلى 237 تۇرعىن ءۇي ىستىق سۋ جۇيەسىنە قوسىلادى. ەكى كە­زەڭگە جوسپارلانعان جۇمىس­تار­دى جۇزەگە اسىرۋ ءۇشىن دە­مەۋشىلىك ەسەبىنەن 32 جوبا ازىر­لەنىپتى.

«مەملەكەت باسشىسى وتكەن جىلى وڭىرگە جاساعان جۇمىس ساپارى بارىسىندا قىزىلوردا حالقىن ىستىق سۋمەن قامتۋدى تاپسىرعان بولاتىن. وسىعان بايلانىستى وبلىس اكىمىنىڭ تاپسىرماسى نەگىزىندە ءتيىستى جۇمىس قولعا الىندى. بۇگىنگە دەيىن قالالىقتار ەلەكتر سۋجىلىتقىش نەمەسە گازبەن جىلىتاتىن قۇ­رىلعىلار ارقىلى لاجداپ كەل­گەنىن بىلەسىزدەر. مىسالى, 50 ليترلىك «اريستون» قۇرىلعىسىن ىسىتۋ ءۇشىن 3 كيلوۆاتت ەلەكتر ەنەر­گياسى جۇمسالادى. ماسەلەنى زەرت­تەۋ بارىسىندا «اريستون» پاي­دالاناتىن ءۇي مەن ىستىق سۋ جۇيەسىنە قوسىلعان باسپانانى سا­لىستىرىپ, ىستىق سۋمەن قامتىلعان ءۇيدىڭ شىعىنى 5 ەسەگە ارزان بولاتىنىن انىقتادىق. جالپى, بۇگىندە قالادا ورتالىق­تاندىرىلعان جىلۋ جۇيەسىنە قوسىلعان 804 تۇرعىن ءۇي بار. وسى تۇرعىن ۇيلەردى ىستىق سۋمەن قامتۋ ءۇشىن بيىلدان باس­تاپ قۇرىلىس مونتاجداۋ جۇ­مىستارى باستالدى. ون جەتى جوبا بويىنشا 186 كوپپاتەرلى تۇرعىن ءۇيدى ىستىق سۋمەن جابدىقتاۋعا ۇكىمەت رەزەرۆىنەن ءتيىستى قارجى ءبولىندى. وسى جوبا بويىنشا بيىل قالامىزداعى شۇعىلا, سىرداريا, سول جاعا­لاۋ, تاۋەلسىزدىك, بەيبارىس كوشە­لەرىندەگى كوپقاباتتى تۇرعىن ۇي­لەرگە ىستىق سۋ جۇيەسى جۇر­گىزى­لەدى», دەدى مەدەت ۋساين.

بۇگىندە قالا اكىمدىگى تاراپىنان ارنايى جۇمىس توبى قۇرىلىپ, تۇرعىندار اراسىندا تۇسىندىرمە جۇمىستارىن باستاپ كەتىپتى. قالا اكىمىنىڭ ورىنباسارى عالىمجان ەركەبايدىڭ ايتۋىنشا, قازىر وبلىس ورتالى­عىنداعى 174 ءۇيدى ىستىق سۋعا قوسۋعا مۇمكىندىك بار, ال 424 ءۇي قارجىلاندىرۋدى قاجەت ەتەدى.

«وسى قارجىلاندىرۋ تالاپ ەتەتىن تۇرعىن ۇيلەردى ىستىق سۋعا قوسۋ ءۇشىن دەمەۋشى ەسەبىنەن جوبا ازىرلەندى. تۇرعىندار ىس­تىق سۋ جەلىلەرىن ورناتۋعا رۇقسات بەرسە, جۇمىستى دەر كەزىن­دە ورىنداپ, ۋاقىت ۇنەمدەر ەدىك» دەيدى قالا اكىمىنىڭ ورىنباسارى.

جاز شىعا جوعارى قاباتتارعا اۋىزسۋ كوتەرىلمەيتىنى تاعى بار. بۇرىندارى تامشىلاپ اعىپ, شىدامدى تاۋىساتىن ەدى. قازىرگى جاعداي ودان الدەقايدا جاقسى. بىراق پاتەرىڭدە قىسى-جازى سۋدىڭ سارىلداپ اعىپ تۇرعانىنا نە جەتسىن.

«قىزىلوردا سۋ جۇيەسى» مكك ديرەكتورى باۋىرجان ابدى­قاپپار ۇلىنىڭ ايتۋىنشا, ىستىق سۋ جەلىلەرىن جۇرگىزۋ ارقىلى سۋ قىسىمىن الدەقايدا كوتەرۋگە بولادى.

«قالاداعى كوپقاباتتى تۇر­عىن ۇيلەرگە ىستىق سۋ جەلى­لەرىن جۇرگىزۋ ەلەكتر ەنەرگياسى مەن ەلەكتر قوندىرعىلارىن ۇنەمدەۋگە سەپتىگىن تيگىزبەك. ماسەلەن, قالا بويىنشا ەلەكتر ەنەرگياسىن تۇتىنۋ كولەمى 84 مۆت بولسا, ىستىق سۋ جەلىسى ورناتىلعاننان كەيىن جۇكتەمە 14 مۆت-قا دەيىن ازايادى», دەيدى «قىزىلوردا ەلەكتر جەلىلەرىن تاراتۋ كومپانياسى» اق باسقار­ما توراعاسىنىڭ ورىنباسارى شالقار راحىشەۆ.

«قىزىلورداجىلۋەلەكترور-تالىعى» مكك باسشىلىعىنىڭ ايتۋىنشا, ىستىق سۋ جىل ون ەكى اي ۇزدىكسىز بەرىلەدى. جاقىن ارادا جۇزەگە اسا باستايتىن جوبانى كوممۋنالدىق سالاداعى سەرپىلىس دەۋگە بولاتىنداي.

قىزىلوردا