بۇل ورايدا شيپاجاي اۋماعىندا عانا ەمەس, بۇكىل اۋداندا قورشاعان ورتانىڭ ەكولوگيالىق تازالىعىن ساقتاۋ ماقساتىندا سەنبىلىك جۇمىستارى ۇنەمى جۇرگىزىلىپ كەلەدى. ەڭ باستىسى, تۇرعىندار تازالىققا دەنساۋلىق كەپىلى رەتىندە قارايدى. سەنبىلىككە قالا جانە اۋىلدىق وكرۋگى اكىمدىكتەرى, بيۋدجەتتىك مەكەمەلەر قىزمەتكەرلەرى جانە اۋىل تۇرعىندارى اتسالىسىپ ءجۇر. جۋىردا رەسپۋبليكالىق, وبلىستىق ماڭىزى بار اۆتوجولدىڭ, ىشكى كوشەلەردىڭ بويىندا جيناقتالعان, بەي-بەرەكەت تاستالعان كۇل-قوقىستاردى تازالاۋ, ءشوپ ورۋ, مەكەمە اۋلالارىنداعى اعاشتاردى اكتەۋ جۇمىستارى جۇرگىزىلدى. ءوزى تۇراتىن ءۇيدىڭ اۋلاسىن تازا ۇستاۋ ارقىلى دا يگى ىسكە ۇلەس قوسىپ جۇرگەن تۇرعىندار تازالىق جانارشىلىقتان باستالاتىنىن, ەكولوگيالىق مادەنيەت وسىنداي ءىس ارقىلى قالىپتاساتىنىن ايتادى.
ال ارىس قالاسىندا اربات دەمالىس اۋماعىندا ورىندىقتاردى سىرلاۋ, بۇزىلعاندارىن رەتكە كەلتىرۋ, اعاشتاردى سۋارىپ, ارامشوپتەرىن شابۋ جۇمىسى جۇرگىزىلدى. «تەمىرجولشىلار» ساياباعى اۋماعىنان قوقىس جينالىپ, پوليگونعا شىعارىلدى. ساۋىردە باستالعان تازالىق ناۋقانى سايرام اۋدانىندا دا جۇيەلى تۇردە جۇرگىزىلىپ كەلەدى. اۋدان اۋماعىندا وتكىزىلگەن 70-تەن استام سەنبىلىككە جالپى 135 000 ادام جانە 267 تەحنيكا جۇمىلدىرىلدى. ناتيجەسىندە, 5 012 توننا كۇل-قوقىس قاتتى تۇرمىستىق قالدىقتار تاستايتىن پوليگون اۋماقتارىنا شىعارىلدى. سەنبىلىك بارىسىندا 753 شاقىرىم وبلىستىق, اۋداندىق ماڭىزى بار جولدار مەن ىشكى كوشەلەر, 52 شاقىرىم اياقجول, 98 شاقىرىم يرريگاتسيالىق جۇيەلەرى مەن ارىق-اتىزدار كۇل-قوقىستاردان تازالاندى. بۇدان بولەك, 16 ساياباق پەن سكۆەر, 33 ايالداما, 42 سپورت جانە بالالار الاڭشالارى مەن 12 ستريت-ۆوركاۋتتار سىرلانىپ, قالپىنا كەلتىرىلدى. تۇركىستان وبلىسىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسىنا قاراستى «جاسىل ايماق» كمم تاراپىنان بەرىلگەن 23 200 ءتۇپ كوشەت جول جيەكتەرىنە, وزەن جاعالاۋىنا, دەمالىس اۋماقتارىنا وتىرعىزىلدى. سونىمەن قاتار دەمەۋشىلەر ەسەبىنەن بەرىلگەن 2000 اعاش جانە گۇل كوشەتتەرى ەگىلدى.
تۇركىستان وبلىسى
