راسىمگە جوعارعى سوت توراعاسى اسلامبەك مەرعاليەۆ, سوت اكىمشىلىگىنىڭ باسشىسى نايل احمەتزاكيروۆ, وبلىس اكىمى سەرىك شاپكەنوۆ, وبلىستىق سوتتىڭ توراعاسى مۇحتار پارمەنوۆ جانە باسقالار قاتىستى. سونداي-اق ولار سويلەگەن سوزدەرىندە مەملەكەتتىڭ سوت بيلىگىن دامىتۋعا كوڭىل ءبولىپ وتىرعانىن اتاپ ءوتتى.
4 قاباتتى جاڭا عيماراتتىڭ اۋدانى 9 مىڭ ش.م. وندا: اكىمشىلىك, قىلمىستىق, تەرگەۋ, كامەلەتكە تولماعاندار ىستەرى جانە اكىمشىلىك قۇقىق بۇزۋشىلىق ىستەرى جونىندەگى سوتتار ورنالاسادى. عيماراتتا 17 سوت زالى بار, ونىڭ ەكەۋى القابيلەردىڭ قاتىسۋىمەن وتەتىن پروتسەستەرگە ارنالىپ جابدىقتالعان. بۇرىن بۇل سوتتار اپاتتى, تار جانە جارامسىز ءۇي-جايلاردا ورنالاسقان بولاتىن.
سوت توراعاسى ا.مەرعاليەۆ جاڭا عيماراتتىڭ ساۋلەتتىك-ەستەتيكالىق كەلبەتىن, ونىڭ سوت تورەلىگى ستاندارتتارىنا سايكەستىگىن, زاماناۋي قاۋىپسىزدىك جۇيەسىمەن جانە جابدىقتارمەن قامتاماسىز ەتىلگەنىن, بۇل پروتسەسكە قاتىسۋشىلارعا قولايلى جاعداي تۋعىزاتىنىن تىلگە تيەك ەتتى.
ال س.شاپكەنوۆ جاڭا سوت عيماراتىنىڭ اشىلۋىن وڭىردەگى وقيعا دەپ اتاپ ءوتىپ, سوتتارداعى ءتيىمدى وزگەرىستەر زاڭدى جانە ءادىل سوت شەشىمدەرىنىڭ قابىلدانۋىنا ىقپال ەتەتىنىنە توقتالدى.
وبلىستىق سوتتىڭ توراعاسى م.پارمەنوۆ وبلىس سۋديالارىنىڭ سوت تورەلىگىن ساپالى جۇزەگە اسىرۋعا بار كۇش-جىگەرىن سالاتىنىنا سەنىم ءبىلدىردى.
وبلىستىق بيلەر كەڭەسىنىڭ توراعاسى احمىرزا باتىرحايىروۆ قۇتتىقتاۋ ءسوز سويلەدى.
راسىمگە قاتىسۋشىلار ءماجىلىس زالىن, سوت زالدارىن, سۋديالار كابينەتىن جانە باسقا دا ءۇي-جايلاردى ارالاپ كوردى.
سونىمەن قاتار جوعارعى سوت توراعاسى مەن سوت اكىمشىلىگىنىڭ باسشىسى وبلىستىق سوت كورپۋسىمەن كەزدەستى. كەزدەسۋ بارىسىندا وبلىستىق سوت القالارىنىڭ توراعالارى ءتاتتى ۋاليەۆا, ماتەن ەرعازيەۆ جانە انارگۇل ساليحوۆا, سونداي-اق وبلىستىق سوتتىڭ توراعاسى مۇحتار پارمەنوۆ ءوز جۇمىستارى باياندادى.
جوعارعى سوت توراعاسى سىبايلاس جەمقورلىققا قارسى قابىلدانىپ جاتقان شارالارعا, ازاماتتارعا ىلتيپاتپەن قاراۋعا, مەملەكەتتىك قىزمەتشىلەردىڭ ادەپتى ساقتاۋىنا توقتالىپ, سوت جۇيەسىنىڭ باسىم باعىتتارى تۋرالى مالىمدەدى.
«قوعام بىزدەن ءادىل جانە بەيتاراپ سوت تورەلىگىن كۇتەدى. سوتتاردا ادامدار اقيقات پەن قورعان تابا الاتىن ادىلەت سارايىنا كىرگەنىن تابالدىرىقتان سەزىنۋى كەرەك», دەدى ول.
ءراسىم سوڭىندا ا.مەرعاليەۆ وبلىستىق سوتتىڭ وتستاۆكاداعى سۋديالارى گۇلنار قارابالينا مەن ءادىل قۇسپانوۆتى ء«مىنسىز قىزمەتى ءۇشىن» مەدالىمەن ماراپاتتادى.
قىرمىزى جۇماعاليقىزى,
ەۇۋ ستۋدەنتى
