فوتو: stan.kz
ىلگەرىدەگى دەرەكتە وبلىس جابايى قاراسورانىڭ «تاريحي وتانى» سەكىلدى كورىنەتىن. ويتكەنى مۇنداعى تسيفرعا قاراپ, وڭىردە ەسىرتكىگە قارسى كۇرەستە قانداي جۇمىستار اتقارىلىپ جاتقانىن باجايلاۋ قيىنعا سوعاتىن. ناقتىراق ايتار بولساق, مۇندا قاۋلاپ وسكەن قاراسورا القابى 138 مىڭ گەكتاردان اسىپ كەتكەن دەگەن دەرەك ءجيى ايتىلاتىن. جاقىندا قايتا ناقتىلانعان زەردەلەۋ جۇمىستارى باسقا تسيفردى كورسەتتى.
پوليتسيا دەپارتامەنتىنىڭ باسشىسى ارمانبەك ءبايمۋرزيننىڭ تاپسىرماسىنا سايكەس شۋداعى جابايى قاراسورا قانشا جەردى جاۋلاپ العانىن انىقتاۋ جۇمىستارى تىڭعىلىقتى جۇرگىزىلدى.
زەرتتەۋ جۇمىستارىنىڭ ناتيجەسىنە سۇيەنسەك, قاراسورا وسەتىن القاپ ەكى ەسەگە قىسقارعان. بۇل دەرەكتى «قازاقستان عارىش ساپارى» اق قىزمەتكەرلەرى اەروگرافيالىق ءتۇسىرىلىم كەزىندە رەسمي راستادى. ناقتىراق ايتساق, باستاپقى كورسەتكىش 62 گەكتارعا ازايعان. وسى دەرەككە قاراپ-اق وڭىردە كەيىنگى جىلدارى ەسىرتكىمەن كۇرەس جۇمىسى جولعا قويىلا باستاعانىن اڭعارۋ قيىن ەمەس.
جاڭادان ازىرلەنگەن كارتاداعى مالىمەتكە زەر سالساق, قاراسورانى ءوسىرۋ اۋماعى كەيبىر ايماقتا ايتارلىقتاي ازايعانىنا قاراماستان, قايسىبىر اۋداننىڭ اۋماعىندا ارتىپ وتىر.
«پوليتسيا دەپارتامەنتىنىڭ قىزمەتكەرلەرى ەسىرتكىنى جەتكىزۋ ارنالارىن جويۋ جۇمىستارىن اتقارىپ جاتىر. جۇيەلى جۇمىس ارقىلى ۇيىمداسقان قىلمىستىق توپتاردىڭ جولىن كەسۋگە دەن قويىپ وتىرمىز. بۇل ءىس الداعى ۋاقىتتا دا جالعاسادى.
ەندى پوليتسيا قىزمەتكەرلەرى جاڭارتىلعان دەرەكتەرمەن جۇمىس ىستەيتىنىن ايتا كەتكەن ءجون. بۇل, ارينە, جۇمىسىمىزدىڭ جەڭىلدەۋىنە سەپتىگىن تيگىزەتىنى انىق. جاڭارتىلعان كارتادا كەلتىرىلگەن دەرەكتەردى نەگىزگە الا وتىرىپ, قاراسورا ازىرلەۋشىلەردى انىقتاۋدا بارلىق بولىمشەدە جۇمىستى جەتىلدىرە تۇسۋگە مۇمكىندىك تۋىپ وتىر. بۇل ءوز كەزەگىندە جەدەل تۇردە قىلمىستىڭ جولىن كەسۋگە ىقپال ەتەدى», دەيدى وبلىستىق پوليتسيا دەپارتامەنتى ەسىرتكى قىلمىسىنا قارسى ءىس-قيمىل باسقارماسىنىڭ باسشىسى ءالىم باجىقباەۆ.
وڭىردەگى قاراسورا وسىرىلەتىن اۋماقتى تولىق انىقتاۋ جۇمىسىن جۇرگىزۋ قاجەتتىگى بىرنەشە جىل بۇرىن ايتىلعان بولاتىن. پوليتسيا دەپارتامەنتىنىڭ باسشىلارى بۇل جۇمىسقا دەر كەزىندە كىرىسكەنى كوڭىل قۋانتادى. جالپى العاندا, كەيىنگى بىرنەشە جىلدىڭ بەدەرىندە ەسىرتكىنى جەتكىزۋ ارنالارىن جويۋدا وڭىردە اۋىز تولتىرىپ ايتارلىقتاي جۇمىستار اتقارىلىپ جاتىر.
جامبىل وبلىسى
