ەلىمىزدە قانداي ماماندىقتارعا ەڭ كوپ گرانت ءبولىندى؟

وسىلايشا, بۇگىنگى تاڭدا ەڭ كوپ گرانتتار كەلەسى ءبىلىم بەرۋ باعدارلامالارىنا بولىنەدى:

• «ماشينا جاساۋ, وڭدەۋ ونەركاسىبى, قۇرىلىس يندۋسترياسى» – 19 344 گرانت;
• «پەداگوگيكا عىلىمدارى» – 13 735 گرانت;
• «اقپاراتتىق-كوممۋنيكاتسيالىق تەحنولوگيالار» – 10 903 گرانت;
• «جاراتىلىستانۋ, ماتەماتيكا جانە ستاتيستيكا» – 8 288 گرانت.

باسقا ماماندىقتارعا كەلەتىن بولساق, ولارعا مەملەكەتتىك گرانتتار كەلەسىدەي ءبولىندى:

• «ونەر جانە گۋمانيتارلىق عىلىمدار» – 1525 گرانت;
• «الەۋمەتتىك عىلىمدار, جۋرناليستيكا جانە اقپارات» – 1025 گرانت;
• «بيزنەس, مەنەدجمەنت جانە قۇقىق» – 1145 گرانت;
• «اۋىل شارۋاشىلىعى جانە بيورەسۋرستار» – 2311 گرانت;
• ۆەتەريناريا – 974 گرانت;
• ءتۇرلى قىزمەتتەر – 1989 گرانت;
• دەنساۋلىق ساقتاۋ – 2335 گرانت;
• Heriot-Watt  (جۇبانوۆ اتىنداعى ارۋ) – 300 گرانت;
• «ۆوسحود» ماي (بايقوڭىر) – 45;

ايتا كەتەيىك, بۇعان قوسا رەسپۋبليكادا:

• جاڭادان قۇرىلعان جانە باتىس وڭىرلەردىڭ جاستارىنا جەتەكشى جوعارى وقۋ ورىندارىندا وقۋعا ارنالعان ماقساتتى ءبىلىم گرانتتارى – 5 مىڭ گرانت;
• «سەرپىن» – 3,9 مىڭ گرانت (ەڭبەك رەسۋرستارى ارتىق وڭتۇستىك وڭىرلەردىڭ جاستارىن وقىتۋ جانە ولاردى قازاقستاننىڭ شىعىسىندا, سولتۇستىگىندە جانە باتىسىندا جۇمىسقا ورنالاستىرۋ);
• كوللەدج تۇلەكتەرىنە قىسقارتىلعان وقۋعا گرانتتار – 4,2 مىڭ گرانت.

سونداي-اق 2024 جىلى وقۋ اقىسىن ءىشىنارا تولەيتىن سارالانعان گرانتتار العاش رەت ەنگىزىلدى. «پەداگوگيكا عىلىمدارى» جانە «الەۋمەتتىك عىلىمدار, جۋرناليستيكا جانە اقپارات» باعدارلامالارى بويىنشا 150 سارالانعان گرانت ءبولىندى.

تاعى ءبىر ايتا كەتەرلىگى, بيىل ماگيستراتۋراعا تۇسۋگە 13 مىڭعا جۋىق, ال دوكتورانتۋراعا 1900-دەن استام گرانت ءبولىندى.

قىرمىزى جۇماعاليقىزى,

ەۇۋ ستۋدەنتى