فوتو: gov.kz
2029 جىلعا ءفيلترلى تەمەكىگە اكتسيزدەردىڭ بىرىڭعاي ينديكاتيۆتىك مولشەرلەمەسىنىڭ مولشەرى اكتسيزدەردىڭ ناقتى ستاۆكالارىنان 20%-دان اسپايتىن (36 ەۋرودان 54 ەۋروعا دەيىن, شامامەن 17 مىڭ تەڭگەدەن 25 مىڭنان استام تەڭگەگە دەيىن) اۋىتقۋ دياپازونىمەن 1 مىڭ داناسى ءۇشىن 45 ەۋرو (21 مىڭ تەڭگەدەن استام) مولشەرىندە بەكىتىلدى. بۇعان دەيىن 2019 جىلى قابىلدانعان 2024 جىلعا ارنالعان تەمەكىگە اكتسيزدەردىڭ ينديكاتيۆتىك مولشەرلەمەسى 35 ەۋرونى (16 مىڭ تەڭگەدەن استام) قۇراعان.
بۇل ينديكاتيۆ تەمەكىگە اكتسيز مولشەرلەمەسىن جوسپارلايتىن ەۋرازيالىق ەكونوميكالىق وداق (ەاەو) ەلدەرىنىڭ مەملەكەتتىك ورگاندارى مەن تەمەكى ونىمدەرىن وندىرۋشىلەر ءۇشىن باعدار بولىپ ەسەپتەلەدى. سونداي-اق ەەك كەڭەسىنىڭ شەشىمىمەن مەديتسينالىق قولدانۋعا ارنالعان دارىلىك زاتتاردى تىركەۋ جانە ساراپتاۋ ەرەجەسىنە وزگەرىستەر ەنگىزىلدى. ول ساراپتامالىق جۇمىستاردى جۇرگىزۋ جانە دارىلىك پرەپاراتتاردىڭ قۇجاتتاماسىن تىركەۋ باعالاۋ كەزىندە اكىمشىلىك راسىمدەردى وڭتايلاندىرۋعا مۇمكىندىك بەرەدى.
رەسمي حالىقارالىق سپورتتىق ءىس-شارالاردى وتكىزۋگە ارنالعان سپورتتىق زاتتار مەن جابدىقتاردى ەاەو كەدەندىك شەكاراسى ارقىلى وتكىزۋ ەرەكشەلىكتەرى ايقىندالدى. بۇل تاۋارلارعا ولاردى اكەلۋ جانە اكەتۋ كەزiندە جەڭiلدiكتi شارتتارمەن ارنايى كەدەندiك ءراسiم قولدانىلاتىن بولادى. بۇل ۇيىمداستىرۋشىلار مەن سپورتتىق ءىس-شارالارعا قاتىسۋشىلار ءۇشىن اكىمشىلىك كەدەرگىلەر مەن شىعىنداردى تومەندەتۋگە مۇمكىندىك بەرەدى.
