فوتو: orda.kz
سىبايلاس جەمقورلىققا قارسى ءىس-قيمىل اگەنتتىگىنىڭ مالىمەتىنشە, الماتى قالاسى بويىنشا سىبايلاس جەمقورلىققا قارسى قىزمەت «ازاماتتارعا ارنالعان ۇكىمەت» مەملەكەتتىك كورپوراتسياسى» كەاق فيليالى №1 مامانداندىرىلعان ءبولىمى باسشىسىنىڭ حالىققا قىزمەت كورسەتۋ جونىندەگى ورىنباسارىنا قاتىستى سوتقا دەيىنگى تەرگەۋ جۇرگىزىپ جاتىر.
«ول قۇجاتتاردى كەدەرگىسىز قابىلداۋ جانە جۇرگىزۋشى كۋالىكتەرىن الۋ ءۇشىن اۆتومەكتەپ كۋرسانتتارىن ەمتيحان تاپسىرۋعا جىبەرۋ سىلتاۋىمەن جەرگىلىكتى كاسىپكەردەن 930 مىڭ تەڭگە سوماسىندا الاياقتىق جولمەن اقشا قاراجاتىن يەمدەندى دەگەن كۇدىككە ءىلىندى. تەرگەۋ ارەكەتتەرى جالعاسىپ جاتىر. قىلمىستىق-پروتسەستىك كودەكسىنىڭ 201-بابىنا سايكەس وزگە اقپارات جاريا ەتۋگە جاتپايدى», دەلىنگەن ۆەدومستۆو تاراتقان اقپاراتتا.
التىناي ابدىش,
ل.ن.گۋميلەۆ اتىنداعى ەۇۋ ستۋدەنتى
