فوتو: gov.kz
وتىرىستى قازاقستان قورعانىس ءمينيسترى گەنەرال-پولكوۆنيك رۋسلان جاقسىلىقوۆ اشتى.
وتىرىستىڭ شاعىن قۇرامىندا ۇقشۇ ۇجىمدىق قاۋىپسىزدىك ايماقتارىنداعى اسكەري قاۋىپسىزدىككە قاتىستى سىن-تەگەۋرىندەر مەن قاۋىپ-قاتەرلەر تۋرالى ۇيىمنىڭ باس حاتشىسى يمانعالي تاسماعامبەتوۆ بايانداما جاسادى.
تاراپتار اسكەري قاۋىپسىزدىك سالاسىنداعى ىنتىماقتاستىقتى دامىتۋدىڭ باسىم باعىتتارى تۋرالى پىكىر الماسىپ, ءوز كوزقاراستارىن ءبىلدىردى.
كەڭەستىڭ پلەنارلىق وتىرىسىندا تاراپتار بىرقاتار قۇجاتتار قابىلدادى. ولار ۇقشۇ-نىڭ ۇجىمدىق كۇشتەرىن بىرلەسىپ دايارلاۋدى جوسپارلاۋ, زاماناۋي قارۋ-جاراق ۇلگىلەرىمەن, اسكەري جانە ارنايى تەحنيكامەن جابدىقتاۋ توڭىرەگىندە بولدى.
كەزدەسۋ سوڭىندا قازاقستاننىڭ قورعانىس ءمينيسترى وتىرىسقا قاتىسۋشىلارعا جەمىستى جانە ناتيجەلى جۇمىسى ءۇشىن ريزاشىلىعىن ءبىلدىردى.
«بۇگىنگى وتىرىس بارىسىندا ءبىز ۇجىمدىق قاۋىپسىزدىك تۋرالى شارت ۇيىمىنىڭ ۇجىمدىق قاۋىپسىزدىك ايماقتارىنداعى سىن-تەگەۋرىندەر مەن قاۋىپ-قاتەرلەرگە جان-جاقتى تالداۋ جۇرگىزدىك. ۇيىمعا مۇشە مەملەكەتتەر قورعانىس ۆەدومستۆولارىنىڭ ءوزارا ءىس-ارەكەتىن ودان ءارى تەرەڭدەتۋگە جانە ونىڭ اسكەري قۇرامداس بولىگىن دامىتۋعا باعىتتالعان قۇجاتتار قارالىپ, قول قويىلدى», دەپ تۇيىندەدى گەنەرال-پولكوۆنيك رۋسلان جاقسىلىقوۆ.
