فوتو:polisia.kz
ناتيجەسىندە 2024 جىلى كاسىپورىنداردا جاسالعان ۇرلىق سانى شامامەن 46%-عا ازايدى.
«Qarmet» مەتاللۋرگيالىق كومپانياسىنىڭ نىساندارىندا ۇرلىق جاساپ, ونىڭ قىزمەتكەرلەرىنە قاتىستى باسقا دا اۋىر قىلمىس جاساعان بىرنەشە ۇيىمداسقان توپ ۇستالدى.
وتكەن جىلدىڭ ناۋرىز ايىندا «Qarmet» اق-نىڭ مەتالل ونىمدەرىن ۇرلاۋمەن اينالىسقان 40 ادامنان تۇراتىن ۇيىمداسقان قىلمىستىق توپ پەن باسشىسى ۇستالدى.
سونداي-اق 2023 جىلدىڭ تامىز ايىندا ايماقتاعى كريمينوگەندىك جاعدايعا جانە كومپانيانىڭ قىزمەتىنە تەرىس اسەر ەتكەن تاعى ءبىر ۇيىمداسقان قىلمىستىق توپ كوشباسشىسى مەن 27 مۇشەسى قولعا ءتۇستى.
«قىلمىستىق ىستەردى تەرگەۋ ناتيجەلەرى بويىنشا ولاردىڭ قاراعاندى وبلىسىنىڭ اۋماعىندا ميلليونداعان جىمقىرۋ, سونداي-اق اۋىر جانە اسا اۋىر قىلمىستار جاساعانى تۋرالى دالەلدەر جينالدى. تەرگەۋ اياقتالدى. ەندى ىستەر پروكۋرورعا زەرتتەۋ جانە ارى قاراي سوتقا جىبەرۋ ءۇشىن جولدانادى», دەدى ءىىم ۇيىمداسقان قىلمىسقا قارسى كۇرەس دەپارتامەنتىنىڭ وكىلى قۋاندىق الپىس.
بىلتىر جەلتوقسان ايىندا قاراعاندى وبلىسىنىڭ اباي اۋدانىنداعى «Qarmet» كاسىپورنىنىڭ شاحتەرلەرىن بوپسالاۋمەن اينالىسقان ۇيىمداسقان قىلمىستىق توپتىڭ ارەكەتى اشكەرە بولدى.
بيىل ءساۋىر ايىندا ءىىم, ۇقك جانە مەملەكەتتىك كۇزەت قىزمەتى باس پروكۋراتۋرا بىرلەسىپ, مەتاللۋرگيا كومبيناتىنان اسا ءىرى مولشەردەگى اقشا ۇرلاۋ بويىنشا قىلمىستىق سحەمانى جولعا قويعان قىلمىستىق توپتىڭ مۇشەلەرىن ۇستادى.
«قىلمىستىق سحەما باقىلاۋداعى مەردىگەرلىك جانە كۇزەت ۇيىمدارى ارقىلى جوق تاۋاردى جەتكىزۋدەن تۇرعان. شىعىن 1,5 ملرد تەڭگەدەن اسادى. ۇستاۋ جانە ءتىنتۋ شارالارى ءبىر مەزگىلدە قاراعاندى, تەمىرتاۋ جانە الماتى قالالارىندا وتكىزىلدى. كۇدىكتىلەر قاماۋعا الىندى. كاسىپورىنداعى ۇرلىققا جول بەرمەۋ بويىنشا جۇمىس ەرەكشە باقىلاۋدا», دەدى قۋاندىق الپىس.
