فوتو: kaz.orda.kz
24 مامىردا اتىراۋ وبلىسىنىڭ وڭتۇستىك, شىعىسىندا نايزاعاي كۇتىلەدى. تۇندە جانە تاڭەرتەڭ وبلىستىڭ باتىسىندا تۇمان بولادى.
«وبلىستىڭ سولتۇستىك - شىعىسىندا, وڭتۇستىگىندە, شىعىسىندا سوعاتىن جەلدىڭ جىلدامدىعى 15-20 م / س جەتەدى. وبلىستىڭ سولتۇستىك-باتىسىندا ءورت قاۋپى جوعارى», دەلىنگەن تجد حابارلاماسىندا.
اۋا رايىنىڭ ناشارلاۋىنا بايلانىستى قۇتقارۋشىلار وبلىس تۇرعىندارىن جولعا شىقپاۋعا شاقىردى.
«بۇل, اسىرەسە, ماحامبەت جانە يندەر اۋداندارى باعىتىنداعى تاسجولدارعا قاتىستى. اتالعان جول بولىكتەرىندە بۇگىندە سۋ باسۋ قاۋپى جوعارى جانە ول قوزعالىسقا قاۋىپ توندىرەدى», دەپ حابارلادى اتىراۋ وبلىسىنىڭ توتەنشە جاعدايلار جونىندەگى شتابى.
ەسكە سالا كەتەيىك, اتىراۋ وبلىسىندا تابيعي سيپاتتاعى تج رەجيمى ساقتالىپ تۇر. تاسقىن سۋ قاۋپىنە بايلانىستى كەيبىر باعىتتار بويىنشا اۆتوموبيل جولدارى ۋاقىتشا جابىق.
