يتاليا پرەزيدەنتى وتستاۆكاعا كەتۋ تۋرالى ءوتىنىش ءبىلدىردى

استانا. 14 قاڭتار. يتاليا پرەزيدەنتى دجوردجو ناپوليتانو سارسەنبى كۇنى وتستاۆكاعا كەتۋ تۋرالى ءوتىنىش ءبىلدىردى. بۇل تۋرالى تاسس حابارلادى. وتستاۆكاعا كەتۋ تۋرالى حاتتىڭ ءۇش نۇسقاسى مينيسترلەر كەڭەسى مەن ۇلتتىق پارلامەنتتىڭ ەكى پالاتاسىنا جىبەرىلدى. 89 جاستاعى مەملەكەت باسشىسى ەكىنشى 7 جىلدىق مەرزىمگە 2013 جىلدىڭ ساۋىرىندە سايلانعان بولاتىن. الايدا, ول باستاپقىدان-اق مەرزىمىنەن بۇرىن قىزمەتىنەن كەتەتىنىن جاسىرماعان ەدى. د.ناپوليتانو قىزمەتىنىڭ اياقتالۋىن ەۋرووداقتاعى يتاليانىڭ جارتى جىلدىق وكىلدىگىنىڭ اياقتالۋىمەن بايلانىستىردى. كونستيتۋتسياعا سايكەس, پرەزيدەنتتىك مىندەت ۋاقىتشا سەنات توراعاسى پەترو گراسسوعا وتەدى. باق وكىلدەرى پرەزيدەنتتىككە ۇمىتكەرلەر رەتىندە ءريمنىڭ بۇرىنعى مەرى ۆالتەرا ۆەلتروني, تۋرين مەرى, بۇرىنعى ادىلەت ءمينيسترى پەرو فاسسينو, كونستيتۋتسيالىق سوتتىڭ سۋدياسى سەردجو ماتتارەللا, سىرتقى ىستەر ءمينيسترى پاولو دجەنتيلوني جانە سەناتور اننا فينوككيارونى اتاپ وتىر. ايدار ورىسباەۆ. دەرەك: itar-tass.com. سۋرەت: giomalettisimo.com.