32 مىڭنان استام تۇلەك وزدەرى تاڭداعان ماماندىقتى مەڭگەرۋ ماقساتىندا ءبىلىمىن جالعاستىرادى. ءاربىر جاستىڭ تاڭداعان ماماندىعىن جان-جاقتى زەرتتەپ, اتا-اناسىمەن كەڭەسە شەشىم قابىلداعانى انىق. وسى ورايدا بۇگىندە وبلىس كولەمىندە 245 بەيىندى دارىگەرگە تاپشىلىق بار ەكەنىن ايتا كەتەلىك. ونىڭ 100-گە جۋىعى قۇرىلىسى اياقتالۋعا جاقىن 570 توسەك-ورىندىق وبلىستىق كوپبەيىندى اۋرۋحاناعا قاجەت. اسىرەسە انەستەزيولوگ-رەانيماتولوگ, نەوناتولوگ, اكۋشەر-گينەكولوگ, انگيوحيرۋرگ, ونكولوگ, پاتولوگواناتوم, راديولوگ, تراۆماتولوگ, رەابيليتولوگ, ەندوكرينولوگ, دەرموتولوگ, چلح, گەماتولوگ, گاستروەنتەرولوگ, تاعى باسقا دا ماماندارعا سۇرانىس بار. وبلىس اۋماعىنداعى دارىگەرلەرگە دەگەن تاپشىلىقتى جويۋ ماقساتىندا بىرقاتار جوبا جۇزەگە اسىرىلىپ تا كەلەدى. وتكەن جىلى 43 دارىگەر شەتەلدە بىلىكتىلىگىن ارتتىردى. وڭىردەگى تاپشى ماماندىقتاعى دارىگەرلەردى تارتۋ ماقساتىندا جەرگىلىكتى بيۋدجەت قاراجاتى ەسەبىنەن رەزيدەنتۋرادا مەديتسينالىق كادرلاردى دايارلاۋعا مەملەكەتتىك ءبىلىم بەرۋ تاپسىرىسىنا جىل سايىن گرانت ءبولىنىپ وتىر. بىلتىر 60 گرانت ءبولىنىپ, 40 ۇمىتكەر ءوتىنىم بىلدىرگەن. قازىرگى تاڭدا 37 ۇمىتكەر مەديتسينا سالاسى بويىنشا ءبىلىمىن جەتىلدىرىپ جاتىر. بيىل جەرگىلىكتى بيۋدجەت قاراجاتى ەسەبىنەن رەزيدەنتۋرادا مەديتسينالىق كادرلاردى دايارلاۋعا 139 گرانت ءبولۋ جوسپارلانعان.
جازعى دەمالىسقا شىعاتىن وقۋشىلاردىڭ ۋاقىتتى ءتيىمدى پايدالانۋىنا دا مۇمكىندىك جاسالماق. بيىل وبلىستا 45 مىڭنان استام وقۋشى بيۋدجەت ەسەبىنەن جازعى ساۋىقتىرۋ لاگەرىندە دەمالادى. جالپى, جاز مەزگىلىندە وبلىس بويىنشا 22 ساۋىقتىرۋ لاگەرى قىزمەت كورسەتەدى. ونىڭ 7-ەۋى مەملەكەتتىك بولسا, 15-ءى – جەكەمەنشىك. بالالاردىڭ جازعى دەمالىسىن ۇيىمداستىرۋدا ارنايى دايىندىقتان وتكەن 14 444 پەداگوگ جۇمىس ىستەيدى. تۇركىستان وبلىسى ءبىلىم باسقارماسى باسشىسىنىڭ مىندەتىن اتقارۋشى جاندوس ماحانبەتوۆتىڭ ايتۋىنا قاراعاندا, 20 مىڭنان استام بالا اتا-انالار ەسەبىنەن اقىلى دەمالادى.
ال «قازاقستان حالقىنا» قورى ەسەبىنەن وبلىستاعى 3 421 وقۋشى تۇلكىباس, تولەبي اۋداندارىنىڭ لاگەرلەرىندە جازعى ۋاقىتتارىن وتكىزەدى. جازعى ساۋىقتىرۋ لاگەرلەرىنە جوعارى وقۋ ورىندارى مەن جاستار ورتالىقتارىنان 95 ەرىكتى, وبلىستىق كوللەدجدەردەن 80 ستۋدەنت وندىرىستىك تاجىريبەگە تارتىلادى. سونىمەن قاتار مەكتەپتەر جانىنان ۇيىمداستىرىلاتىن لاگەرلەردە جەرگىلىكتى بيۋدجەت ەسەبىنەن 10 000 وقۋشى جازعى دەمالىستا بولادى. جازعى ماۋسىم كەزىندە بارلىق مەكتەپتە سپورتتىق كوماندالار جاساقتالىپ, جارىستار, سپارتاكيادالار, ۇيىرمە جۇمىستارى, سونداي-اق تۇركىستان, وتىرار, سايرام, بايدىبەك وڭىرلەرىنە ساياحات ۇيىمداستىرىلماق.
تۇركىستان وبلىسى
