24 ساعات

*قىزمەتكەرلەرى باۋداي تۇسىرىلگەن فرانتسۋزدىق ساتي­رالىق جۋرنالدىڭ جاڭا ءنومىرى بۇگىن مۇحاممەد پايعامبارعا ارنالعان كەزەكتى كاريكاتۋرا سۋرەتپەن قايتا شىعاتىن بولدى. تيراجى – 3 ميلليون دانا. بۇعان دەيىنگىسى 60 مىڭ عانا تارالىممەن شىعىپ كەلگەن بولاتىن. ءسويتىپ, جۋرنال شىعارۋشىلار قاسىرەتتىڭ ۇستىنەن دە پايدا كورگىسى كەلەتىندەي. * امەريكالىق كونگرەسمەن رەندي ۋەبەر اقش پرەزيدەنتى باراك وبامانىڭ پاريجگە تەرروريزمگە قارسى مارشقا بارۋدان باس تارتۋىنا «تۇسىنىكتەمە بەردى». وكىلدەر پالاتاسىنىڭ وكىلى ءوزىنىڭ پىكىرىن بىلدىرە كەلە, وبامانى گيتلەرمەن سالىستىردى. «ءتىپتى, ادولف گيتلەر ءۇشىن دە پاريجگە بارۋ (دۇرىس ەمەس سەبەپپەن بولسا دا) ماڭىزدى بولعان ەدى», دەپ اتاپ ءوتتى رەسپۋبليكاشىل. * بىرىككەن اراب ءامىر­لىكتەرىنىڭ ەنەرگەتيكا مي­ءنيسترى فارادج ءال-مازرۋي مۇ­ناي ەكسپورتتاۋشىلار ۇيىمى ەل­دەرىنىڭ (وپەك) مۇناي باعا­سىن قورعاۋعا قابىلەتسىز ەكەنىن مويىندادى. ونىڭ سوزىنە قارا­عاندا, مۇناي باعاسىن بىردەن كوتەرۋ ەش مۇمكىن ەمەس, ءبىرىنشى كەزەكتە ونى قالىپتى دەڭگەيدە ۇستاپ تۇرۋعا كۇش-جىگەر جۇم­سالۋى ءتيىس. * اقش-تىڭ نيۋ-يورك قالا­سىندا تۇراتىن بۇگىنگى زەينەتكەر, بۇرىنعى مەكتەپ ديرەكتورى گارولد دايموند لوتەرەيا­دان 326 ميلليون دوللار ۇتىپ الدى. سەكسەن جاستاعى «اقساقال» بيلەتتى ماي قۇيۋ ستانساسىنان كەزدەيسوق, ياعني زايىبىمەن بىرگە جاڭبىردان قورعانۋ ءۇشىن كىرگەن كەزدە 10 دوللارعا ساتىپ الىپتى. مولىنان سالىناتىن سالىقتان قالعان 130 ميلليون دوللار قارياعا قالاي جۇمساسا دا جەتەتىنى انىق. * قىتاي جاقىن ۋاقىتتا قا­رۋلانۋعا جاڭعىرتىلعان J-10ۆ جويعىش ۇشاعىن قابىل­دايتىن بولادى. جاڭا ۇلگىدە­گى ۇشاق سانى – 14. الايدا, اسپا­ن­استى ەلىنىڭ اسكەري-اۋە كۇش­تەرى J-10ۆ جويعىش ۇشاق­تارىنىڭ العاشقى پولكىن قاشان جاساقتايتىنى بەلگىسىز. ال جاڭعىرتىلعان ۇشاقتار كونۆەيەردەن 2013 جىلدىڭ جەلتوقسانىندا شىققان ەكەن. * سۇڭگۋىرلەر وتكەن جىلدىڭ جەلتوقسان ايىنىڭ سوڭىندا ياۆان تەڭىزى اكۆاتورياسىندا اپاتقا ۇشىراعان AirAsia اۋە كەمەسىنىڭ ەكىنشى «قارا جاشىگىن» دە جەر بەتىنە الىپ شىقتى. ەندى «قارا جاشىكتەر» ەكى اپتا بويى مۇقيات تەكسەرىلەتىن بولادى. ەسكە سالا كەتسەك, اپاتقا ۇشىراعان جولاۋشىلار ۇشاعىنىڭ بورتىندا 162 ادام بولعان ەدى.     * تۇرىكمەنستاندا ءبىر جىل ءىشىن­دە پرەزيدەنت گۋربانگۋلى بەردىمۇحامەدوۆتىڭ پورت­رەتى شامامەن ەكى ەسە قىمبات­تا­عان. مۇنى «حرونيكا تۋركمە­نيستانا» حابارلادى. دەرەك كوزى اتاپ كورسەتكەندەي, ءبىر جىل بۇرىن پورترەتتەردى 16 ماناتقا ساتىپ الۋ مۇمكىن بولسا, ەندى ولاردىڭ ارقايسىسى 33 مانات (شامامەن 10 دوللار) تۇ­رادى ەكەن. باستالعان جىلدا جەر­گىلىكتى مەكتەپ ديرەكتورلارى پرەزيدەنتتىڭ جاڭا پورترەتتەرىن ساتىپ الۋعا مىندەتتەلىپتى.    * رەسەيدىڭ كالينينگراد قالاسىندا ەسكى بەرلين كوپىرى وپىرىلىپ ءتۇسىپ, اپات سالدارىنان وتكەلدى بولشەكتەپ بۇزىپ جاتقان 4 جۇمىسشى قازا تاپسا, ەكەۋى جارالانعان. پولي­تسيا قىزمەتكەرلەرى نىسان­داعى جۇمىستاردى قانداي قۇرى­لىس كومپانياسىنىڭ ادامدارى ءجۇر­گىز­گەنىن انىقتاۋ ءۇستىن­دە. اتالعان كوپىر, توزىعى جەتكەن­دىكتەن سوڭعى جىلدارى پاي­دالا­نىلمايدى ەكەن. سون­دىق­تان وتكەن جىلدىڭ قارا­شا­­سىنان باستاپ بولشەكتەلە باس­تاعان. ول 1938 جىلى سالىنىپتى. اقپارات اگەنتتىكتەرىنىڭ ماتەريالدارى نەگىزىندە ازىرلەندى.