«جاسىل» ەكونوميكاعا جول اشىق

كەشە ورتالىق كوممۋنيكاتسيالار قىزمەتىندە «جاسىل» ەكونوميكا ءۇشىن جانە G-Global-دى دامىتۋ كواليتسياسى» زتب اتقارۋشى ديرەكتورى اسحات سۇلەيمەنوۆ بريفينگ وتكىزدى. وندا كواليتسيانىڭ اتقارىپ جاتقان جۇمىستارى ءسوز بولدى. سپيكەردىڭ سوزىنە قاراعاندا, بيىلعى جىلى استاناعا ىرگەلەس ارشالى اۋدانىنا قاراستى ارناساي اۋىلىندا «ارناساي – جاسىل القاپ» جوباسى جۇزەگە اسىرىلادى ەكەن. اتالعان القاپتا ەلىمىزدەگى ەڭ ۇزدىك ءارى ءتيىمدى, وعان قوسا قولجە­تىمدى جاسىل تەحنولوگيالار شوعىرلاندىرىلىپ, جيناقتالاتىن كورىنەدى. «بۇگىندە جاسىل تەحنولو­گيا­لار شاعىن جانە ورتا بيزنەستىڭ باسەكەگە قابىلەتتىلىگىن ارت­تىرۋ­عا ءمۇم­كىندىك بەرەدى. سون­داي-اق, ەلىمىزدە بىرىككەن ۇلتتار ۇيىمىنىڭ دامۋ باعدارلاماسى بىرنەشە جىلدان بەرى جۇمىس ىستەپ كەلەدى. وسى كۇنگە دەيىن ولار ماڭ­عىستاۋ, قىزىلوردا, شىعىس قازاق­ستان, اقمولا وبلىستارىندا الەۋ­مەتتىك نىسانداردا ءبىرتالاي جاسىل جوبالاردى جۇزەگە اسىردى», دەدى ا.سۇلەيمەنوۆ. كواليتسيا ديرەكتورىنىڭ سوزىنە قاراعاندا, ەندى وسىناۋ وزىق جوبا­لاردى بىرتىندەپ بيزنەسكە ەندى­رۋ جۇمىستارى جۇرگىزىلىپ جاتىر. «وسى سۇراقتار توڭىرەگىندە جاقىندا بىرىككەن ۇلتتار ۇيىمىنىڭ دامۋ باعدارلاماسىنىڭ باسشىلارىمەن كەزدەستىك. ءسويتىپ, ەلوردادان 35 شاقى­رىم جەردە ارناساي دەموالاڭىن قۇرۋعا كەلىستىك. وسى جەردە جاسىل تەحنولوگيالاردىڭ ەڭ ۇزدىكتەرى جيناقتالادى دەپ كۇتىلۋدە», دەپ ءسوزىن جالعادى ول. بريفينگتە ايتىلعان تاعى ءبىر جاڭالىق, بيىلدان باستاپ ەلى­مىز­دە جاسىل تەحنولوگيالارعا نەگىزدەلگەن قازىرگى زامانعى جىلى­جاي­لار قۇرىلىسى باستالادى ەكەن. «قازاقستاندا «جاسىل كوپىر» سەرىكتەستىك باعدارلاماسى ىسكە اسىرىلۋدا, ول جاسىل تەحنو­لو­گيالاردى ترانسفەرتتەۋدى قاراس­تىرادى. وسى باعدارلاما بويىن­شا كواليتسيا بۇگىندە رەسەيلىك ارىپتەستەرىمەن بىرلەسىپ, ەكى تەحنو­لوگيانى ەندىردى. اۋىل شارۋاشىلىعى سالاسىندا جاڭا تەحنولوگيا جۇزەگە اسىرىلۋدا. سونداي-اق, بۇرىن-سوڭدى ەلىمىزدە بولماعان كۇن بيو-ۆەگەتاري قۇرىلىسى قولعا الىنادى. بۇل – اۋماعى 1200 شارشى مەتردى قۇرايتىن قازىرگى زامانعى جىلىجاي», دەدى ا.سۇلەيمەنوۆ. اتقارۋشى ديرەكتور جۋرنا­ليستەردىڭ كوكەيىندە جۇرگەن بىرقاتار سۇراقتارعا دا جاۋاپ بەردى. «جاسىل» ەكونوميكانىڭ ەلىمىزدە بارىنشا دامىتىلىپ جاتقانىن نازارعا الىپ, استانادا وتەتىن ەكسپو-2017 كورمەسى جونىندە دە اڭگىمەلەدى. ايتۋلى شاراعا ەلىمىزدىڭ عالىمدارى ايرىقشا دايىندالىپ جاتقانىن ايتىپ, وتاندىق ونەرتاپقىشتاردىڭ ەڭبەگىنە توقتالدى. «وتاندىق ءاربىر راتسيوناليزاتور ءوزى ويلاپ تاپقان دۇنيەسىن پاتەنتتەۋگە وتە ۇقىپتى بولۋى ءتيىس. ونى زاڭداستىرىپ العان سوڭ شەتەلدىك نەمەسە وتاندىق كومپا­نيالارعا ساتۋدى مەنشىك يەسى ءوزى شەشەدى. وسى ورايدا ايتا كەتەر­لىگى, ونەرتاپقىشتاردىڭ ەكونو­ميكاعا, ەكولوگياعا ءتيىمدى جاڭا زاتتارىن ءوز ەلىمىزدە وندىرۋگە وتاندىق كوم­پانيالار دا ىنتالى ەكەنىن ايتقىم كەلەدى», دەدى ول. كواليتسيانىڭ ءباسپاسوز قىزمەتى تاراتقان اقپاراتتاعى دەرەككە قاراعاندا, 2015 جىلى «جاسىل» ەكونوميكا ءۇشىن جانە G-Global-دى دامىتۋ كواليتسياسى بىرنەشە قوناق كۇتۋ ۇيلەرىن سالۋدى, عيماراتتار مەن تاۋارلارعا ەكوماركيروۆكا جاساۋدى قولعا الۋدى كوزدەپ وتىرعان كورىنەدى. نۇرباي ەلمۇراتوۆ, «ەگەمەن قازاقستان».