پاۆلودار وبلىسى ءبىلىم بەرۋ باسقارماسىنىڭ «ەرتىس دارىنى» وڭىرلىك قوسىمشا ءبىلىم بەرۋ وقۋ-ادىستەمەلىك ورتالىعى شىعارماشىل جاس ورەندەر دوداسىن قازاقستان رەسپۋبليكاسى وقۋ-اعارتۋ مينيسترلىگى «دارىن» رەسپۋبليكالىق عىلىمي-پراكتيكالىق ورتالىعىنىڭ قولداۋىمەن ءتورتىنشى رەت رەسپۋبليكالىق دەڭگەيدە وتكىزىپ جاتىر.
سايىسقا 13 وبلىستان, استانا, الماتى, شىمكەنت قالالارىنان جانە ءبىر رەسپۋبليكالىق ءبىلىم بەرۋ ۇيىمىنان 63 ۇمىتكەر قاتىستى. قازىلار القاسىنىڭ شەشىمى نەگىزىندە 33 وقۋشى جەڭىمپاز بەن جۇلدەگەر اتاندى: باس جۇلدە – 4, ءى ورىن – 4, ءىى ورىن – 10, ءىىى ورىن – 15.
اقىندار دوداسى 4 نوميناتسيا بويىنشا ءوز جالعاسىن تاپتى. «باس بولىپ ونەر بىلسەڭ, ءتىپتى جاقسى» - عىلىمي جوبا قورعاۋ. ء«بىلىمدى زەرەك ادام بولام!» – دەسەڭ, قارا ءوزىڭدى باسقانىڭ ايناسىمەن» - ەسسە جازۋ. ء«ماشھۇر ءجۇسىپ شىعارمالارى جانە « ۇلى دالانىڭ ۇلى ەسىمدەرى» سيپاتتاۋ باعىتى. «الدىما ولەڭ جاز دەپ قاعاز كەلگەن, ءسوزىمدى سويلەپ باقتىم مەن دە بىلگەن» - اقىندار ءمۇشايراسى.
اقىندار ءمۇشايراسىندا باس جۇلدەنى پاۆلودار وبلىسى اقسۋ قالاسى يۋ.گاگارين اتىنداعى جالپى ورتا ءبىلىم بەرۋ مەكتەبىنىڭ 9-سىنىپ وقۋشىسى تىلەنىش ەركەبۇلان جەڭىپ الدى.
«ەركەبۇلان بايقاۋلارعا 11 جاسىنان باستاپ قاتىسىپ كەلەدى. قازىر اقسۋ قالاسى, يۋ. گاگارين اتىنداعى ورتا مەكتەبىنىڭ 9 سىنىپ وقۋشىسى. وتە دارىندى, ادەبيەتكە جاقىن بالا. وبلىستىق مۇقاعالي, ماحامبەت, اباي, شاكارىم, ءماشھۇر وقۋلارىنىڭ باس-جۇلدە يەگەرى. رەسپۋبليكالىق ماحامبەت, ءماشھۇر وقۋلارىنىڭ جەڭىمپازى. رەسپۋبليكالىق اباي, مۇقاعالي وقۋلارىنا جولداما العان. ولەڭدەرى وبلىستىق, رەسپۋبليكالىق گازەت-جۋرنالداردا, ونلاين پورتالداردا جاريالانعان», دەدى جەتەكشىسى الماس اقتاسوۆ.
ء«ماشھۇر ءجۇسىپ شىعارمالارى جانە « ۇلى دالانىڭ ۇلى ەسىمدەرى» سيپاتتاۋ باعىتىندا - پاۆلودار وبلىسى ماي اۋدانى كوكتوبە جالپى ورتا ءبىلىم بەرۋ مەكتەبىنىڭ 11-سىنىپ وقۋشىسى نۇرقۋات ايبۇلاق ەكىنشى ورىندى قانجىعاسىنا بايلادى. نۇرقۋات ايبۇلاق 2022-2023 وقۋ جىلىندا الماتى وبلىسىننان ماي اۋدانى, «كوكتوبە جالپى ورتا ءبىلىم بەرۋ مەكتەبى» كمم 10- سىنىپقا كەلدى. 2022 جىلعى قازان ايىندا وبلىستىق «ماعجان وقۋلارى» سايىسىنا قاتىسىپ 1 ورىنعا يە بولدى. ودان كەيىن ء«ابىش وقۋلارىنا» قاتىسۋشى اتانىپ, ءماشھۇر ءجۇسىپ كوپەي ۇلىنىڭ 165 جىلدىق مەرەيتويىنا ارنالعان «الەمگە اتى ءمالىم ءماشھۇر ءجۇسىپ» اتتى وبلىستىق بايقاۋدان «عيبراتناما» شىعارماسىن جاتقا ايتىپ, باس جۇلدە يەگەرى اتاندى. 2024 جىلى وبلىستىق ء«ماشھۇر ءجۇسىپ وقۋلارىنىڭ» ءماشھۇر ءجۇسىپ شىعارمالارى جانە « ۇلى دالانىڭ ۇلى ەسىمدەرى» باعىتىندا باس جۇلدەگە يە بولىپ, رەسپۋبليكالىق كەزەڭگە جولداما الدى.
«ايبۇلاق ءوز جوباسىندا ءماشھۇر ءجۇسىپتىڭ شىعارمالارىنداعى شوڭ ءبيدىڭ ناقىل سوزدەرى مەن شوڭ تۋرالى ەستىگەنىنىڭ ساقتالعانى جايلى باياندادى. قورعاعان تاقىرىبىنىڭ اتاۋى: «شوڭ بي ەدىگە ۇلى». بيىلعى وقۋ جىلىندا ايبۇلاق 11 - سىنىپ تۇلەگى, العىر, ماقسات - ارماندارى كوپ», دەدى جەتەكشى ۇستازى زاۋرەش يمانباەۆا.
سونىمەن قاتار بايقاۋ قاتىسۋشىلارى مەن جەتەكشىلەرى باياناۋىل جەرىندە ورنالاسقان ءماشھۇر ءجۇسىپ كوپەي ۇلىنىڭ كەسەنەسىنە باردى.
رەسپۋبليكالىق ءىس-شارا اياسىندا قاتىسۋشىلاردى دايىنداعان مۇعالىمدەرگە ء«ماشھۇر ءجۇسىپ كوپەي ۇلى: ۇلتتىڭ تانىمدىق جانە سانالىق كورىنىسى» تاقىرىبىندا وتكىزىلگەن سەميناردا تورايعىروۆ ۋنيۆەرسيتەتى كافەدرا مەڭگەرۋشىسى, فيلولوگيا عىلىمدارىنىڭ دوكتورى, پروفەسسور ءجۇسىپوۆ نارتاي قۋاندىق ۇلى, قازاقستان جازۋشىلار وداعى پاۆلودار وبلىستىق فيليالىنىڭ توراعاسى, فيلولوگيا عىلىمدارىنىڭ كانديداتى, اقىن ەلىكپاەۆ سەرىك تولەۋباي ۇلى; تورايعىروۆ ۋنيۆەرسيتەتى فيلولوگيا عىلىمدارىنىڭ كانديداتى, پروفەسسور كاپاسوۆا باحىتگۇل كاسىمباەۆنا ادىستەمەلىك ءدارىس وقىدى.
ءىس-شارا قاتىسۋشىلارىنا سەرتيفيكاتتار تابىستالدى.
