ەڭ الدىمەن, «QAZAQGAZ AIMAQ» اق گازدى تاسىمالداۋدان باستاپ, ونى تۇپكىلىكتى تۇتىنۋشىعا وتكىزۋ, سونداي-اق ءوزىنىڭ گاز تاراتۋ جەلىلەرى مەن ونداعى گاز جابدىقتارىن دەربەس پايدالانۋعا دەيىنگى ءوندىرىستىڭ تولىق تسيكلىن وزىنە قايتاردى. بۇل جىلىتۋ ماۋسىمدارىنا دايىندىقتى ءتيىمدى جۇرگىزۋگە, ءتۇرلى وقيعالاردىڭ الدىن الۋعا, تەحنولوگيالىق اقاۋلارعا جەدەل نازار اۋدارۋعا مۇمكىندىك بەرمەك.
سونىمەن قاتار قوسىمشا گاز تاراتۋ جۇيەلەرىن پايدالانۋ جۇمىستارىمەن تىكەلەي اينالىساتىن 3 309 وندىرىستىك ماماندى جۇمىسقا قابىلدادى. بۇل كومپانيانىڭ مارتەبەسىن وسىرۋمەن قاتار, اتالعان اكتسيونەرلىك قوعامعا ۇلكەن جاۋاپكەرشىلىك جۇكتەپ وتىر.
كومپانيا «QazaqGaz» ۇك» اق – ەنشىلەس كومپانياسى جانە ەلدىڭ ىشكى نارىعىنداعى گازبەن جابدىقتاۋشى نەگىزگى ۇيىمداردىڭ ءبىرى. قىزمەتىنىڭ نەگىزگى باعىتى – وڭىرلەردەگى بارلىق تۇتىنۋشىلاردى تابيعي گازبەن ۇزدىكسىز قامتۋ ءارى اپاتتاردى بولدىرماۋ. ەكىنشىدەن, تۇتىنۋشىلارىنا گازبەن جابدىقتاۋدىڭ قولجەتىمدىلىگىن, ءوزارا سەنىمدىلىگىن جانە قىزمەت كورسەتۋدىڭ ساپاسىن ارتتىرۋعا باسىمدىق بەرەدى. بۇعان قوسا قىزمەت كورسەتۋ جىلدامدىعى مەن جۇمىستارىن كاسىبي ورىنداۋعا ۇدايى نازار اۋدارىپ كەلەدى.
بۇگىنگى تاڭدا «QAZAQGAZ AIMAQ» اق ءوزىنىڭ وندىرىستىك فيليالدارى ارقىلى بارلىق ون ءتورت وبلىسقا جانە رەسپۋبليكالىق ماڭىزى بار ءۇش قالاعا تاۋارلىق گاز جەتكىزۋدە. ولار – اقتوبە, الماتى, اتىراۋ, اقمولا, شىعىس قازاقستان, جامبىل, جەتىسۋ, باتىس قازاقستان, قاراعاندى, قىزىلوردا, قوستاناي, ماڭعىستاۋ, تۇركىستان جانە ۇلىتاۋ وبلىستارى, رەسپۋبليكالىق ماڭىزى بار استانا, الماتى جانە شىمكەنت قالالارى.
كومپانيا قىزمەتىن 12 ميلليونعا جۋىق تۇرعىن (2 ملن 400 مىڭنان استام ابونەنت) پايدالانىپ وتىر, ياعني تۇتىنۋشىلار سانى جىلما-جىل ءوسىپ جاتىر. مىسالى, بيىل گاز تۇتىناتىن تۇرعىندار سانى بىلتىرعىمەن سالىستىرعاندا 500 مىڭداي ادامعا وسكەن. سونداي-اق تۇتىنۋشىعا گاز جەتكىزەتىن تاراتۋ جەلىلەرىنىڭ ۇزىندىعى 69 مىڭ شاقىرىمنان اسقان, بۇل وتكەن جىلمەن سالىستىرعاندا 5 500 شاقىرىمعا ارتىق.
بۇگىندە رەسپۋبليكادا قۋاتتى كادرلىق الەۋەتى بار, زاماناۋي يننوۆاتسيالىق جانە اقپاراتتىق تەحنولوگيالارمەن قامتىلعان, جوعارى ماتەريالدىق-تەحنيكالىق بازاسى قۇرىلعان وسى اكتسيونەرلىك قوعام گازبەن جابدىقتاۋداعى قىزمەت كورسەتۋ جونىندە جەتەكشى كومپانيا رەتىندە ورىن الىپ تۇر. بولاشاقتا دا سالانى تسيفرلاندىرۋ ارقىلى تابيعي گازدى جەتكىزۋ مەن تاسىمالداۋ جانە جابدىقتاۋ قىزمەتىن جوعارى ساپادا قامتاماسىز ەتپەك.
كومپانيا قىزمەتىن تسيفرلاندىرۋ اياسىندا گازداندىرۋعا قاجەتتى تەحنيكالىق شارتتار الۋعا ءوتىنىم بەرۋ Egov.kz ەلەكتروندىق ۇكىمەت پورتالىنا شىعارىلدى. سونداي-اق «QAZAQGAZ AIMAQ» اق وبەكتىنى گازداندىرۋ ءۇشىن قۇرىلىس-مونتاج جۇمىستارىن جۇرگىزەتىن ليتسەنزيالانعان كومپانيالاردى ىزدەۋگە ارنالعان Marketplace پورتالىن دا ىسكە قوسقان.
كومپانيانىڭ مىندەتى – ادامدارعا جىلۋلىق پەن قۋانىش سىيلاۋ, ەلدىڭ ءال-اۋقاتىن ارتتىرۋدى دامىتۋعا ۇلەس قوسۋ. ەستەرىڭىزگە سالا كەتەيىك, 2022 جىلى 5,6 ملرد تەڭگەنىڭ شىعىنىنا ۇشىراعان «QAZAQGAZ AIMAQ» كومپانياسى 2023 جىلدى 3,5 ملرد تەڭگە تازا تابىسپەن اياقتادى.
