فوتو: senate.parlam.kz
دەپۋتاتتىڭ ايتۋىنشا, قازاقستان اۋماعىنىڭ 75%-ى تابيعي اپات قاۋپى جوعارى ايماقتارعا جاتاتىندىقتان ساقتاندىرۋ ماسەلەسى ەرەكشە نازار اۋدارۋدى تالاپ ەتەدى. حالىقارالىق تاجىريبە كورسەتىكەندەي, تابيعي جانە تەحنوگەندىك اپات ايماعى بار ەلدەردە ىقتيمال اۋقىمدى شىعىندارعا بايلانىستى مەملەكەتتىك-جەكەشەلىك ارىپتەستىك ارقىلى ارنايى ساقتاندىرۋ قورلارى مەن مىندەتتى ساقتاندىرۋ جۇيەسى جۇمىس ىستەيدى. شىعىنداردى جابۋ ءۇشىن مەملەكەتتىك قورلار قۇرىلادى, جەتەكشى حالىقارالىق قايتا ساقتاندىرۋشىلاردىڭ مىندەتتى قايتا ساقتاندىرۋ ەسەبىنەن قارجىنىڭ جيناقتالۋى ساقتالىپ تۇرادى.
«ەشبىر ەل ءوز اۋماعىندا بولعان اپات تاۋەكەلىنەن زالالدى دەربەس وتەي المايدى. تابيعي اپاتتاردان توتەنشە جاعدايلار كەزىندە كەلتىرىلگەن زالال وتاندىق ساقتاندىرۋ جۇيەسىنىڭ دامىماعاندىعىنان وتە سيرەك وتەلەدى. مۇنداي جاعدايدا زارداپ شەككەندەردى تۇرعىن ۇيمەن قامتاماسىز ەتۋ جانە ولاردىڭ قارجىلىق ماسەلەلەرىن شەشۋ اۋىرتپالىعىن تۇگەل دەرلىك جەرگىلىكتى اتقارۋشى ورگاندار مەن قر-نىڭ ۇكىمەتى كوتەرەدى. ەلىمىزدە حالىقتى جىلجىمايتىن م ۇلىكتى مىندەتتى ساقتاندىرۋدى ەنگىزۋ مۇمكىندىگى سوڭعى 20 جىلدا كەزەڭ-كەزەڭىمەن تالقىلانىپ كەلەدى. الايدا, بۇل باعىتتاعى جۇمىس جۇيەلى, ماقساتتاعى جۇرگىزىلمەگەندىكتەن, ەلىمىزدە ساقتاندىرۋ كومپانيالارىنا سەنىم تومەن, ساقتاندىرۋ مادەنيەتى قالىپتاسپاعان», دەدى بيبيگۇل جەكسەنباي.
سەناتور وسىعان بايلانىستى ۇكىمەت باسشىسىنا تۇرعىن ءۇيدى مىندەتتى ساقتاندىرۋدى تالقىلاۋ ءۇشىن مەكەمەارالىق كوميسسيا قۇرۋدى ۇسىندى. توتەنشە شىعىنداردى وتەۋ تۇرعىسىنان وتاندىق ساقتاندىرۋ كومپانيالارىنىڭ مۇمكىندىكتەرىنە تالداۋ جاساۋ كەرەك. توتەنشە جاعداي قاۋپى تۋرالى الدىن الۋ شارالارىن قابىلداۋ بارىسىندا حالىققا ەسكەرتۋ ءۇشىن بارلىق جاعدايدى قاراستىرۋ كەرەك. ودان باسقا, حالىقتى تابيعي اپاتتان قورعاۋعا باعىتتالعان ءتيىستى زاڭ جوباسى ازىرلەنۋى ءتيىس جانە وندا قالپىنا كەلتىرىلگەن تۇرعىن ءۇيدى ازاماتتاردىڭ مەنشىگىنە بەرۋدىڭ ناقتى ءتارتىبىن رەتتەۋ مەن ساقتاندىرۋ ۇسىنىلدى.
