فوتو: syrboyi.kz
مۇنداعى جىلىجايدا قيار, قىزاناق, باسقا دا كوكونىستەر ءوسىرىلىپ جاتىر. وسى مەكتەپتىڭ 10-سىنىپ وقۋشىسى بەكزات جاڭاباي ۇلى بولاشاقتاعى «جاسىل مەكتەپ» جوباسىن ازىرلەگەن. الدا ول ەكوقالدىقتاردى وڭدەۋ شەبەرحاناسىن جابدىقتاپ, وسىمدىكتەرگە بىرنەشە تاجىريبە جاساپ كورمەكشى.
«جاسىل مەكتەپ» – وقۋشىلاردى ەكومادەنيەتكە تاربيەلەپ, مەكتەبىمىزدىڭ اۋلاسىن تازا ۇستاپ, كوگالداندىرۋدى كوزدەيدى. سونىمەن قاتار كۇن جانە جەل ەنەرگياسىن تەلەفون ارقىلى باسقارىپ, توق كوزىن ۇنەمدەۋگە ارنالعان جوبام دا بار», دەيدى ول.
اۋدانداعى ۇزدىك جوبالاردىڭ ءبىرى – №95 مەكتەپتىڭ 11-سىنىپ وقۋشىسى اقارىس قالىمبەتتىڭ قوي جۇنىنەن تابيعي تىڭايتقىش جاساۋ باستاماسى. وسىدان 2 جىل بۇرىن باستالعان ىزدەنىس ۇستىندە بىزدە كادەگە جارامايتىن قوي ءجۇنىنىڭ يرلانديا ەلىندە ەكسپورتقا شىعارىلاتىن باعالى تىڭايتقىشقا اينالعانىن انىقتادى. وبلىس تۇرعىندارى اراسىندا قوي ءجۇنى ارقىلى ءسابىز بەن كارتوپ ەگىپ, مول ءونىم الىپ وتىرعاندار بار ەكەنىن ءبىلدى. جەتەكشىسىمەن بىرلەسىپ, قولداعى بار بولشەكتەردەن قوي ءجۇنىن تۇيىرشىكتەيتىن قۇرىلعى جاساپ شىعاردى.
«قوي جۇنىندە وسىمدىكتەرگە كەرەكتى بارلىق دارۋمەن بار. ونى كادىمگى تابيعي گيدروپونيكا دەۋگە بولادى. ول كەز كەلگەن تىڭايتقىش ورنىنا جۇرەدى. قۇرامىنداعى وسىمدىككە قاجەتتى قورەكتىك زاتتار ۇزاق ۋاقىتقا دەيىن شىرىمەيدى», دەيدى ىزدەنىمپاز وقۋشى.
قىزىلوردا وبلىسى,
قازالى اۋدانى
