«قىتايدا جۇمىس ىستەيتىن, وقيتىن جانە دەمالاتىن قازاقتار وتە كوپ. ءبىز سۇيىكتى تۇتىنۋشىلارىمىزدان شەتەلدە تولەم جاساۋ ءوز ەلىمىزدەگىدەي وڭاي بولسا دەگەن پىكىردى ءجيى الامىز. سوندىقتان ءبىز AliPay+ كومپانياسىمەن سەرىكتەستىك ورناتىپ, ءاربىر قازاقستاندىق ءۇشىن جاڭا قىزمەتتى ىسكە قوستىق. ەندى Kaspi.kz ءموبيلدى سۋپەرقوسىمشاسىنىڭ كومەگىمەن قىتايدىڭ تۇكپىر-تۇكپىرىندەگى ساۋدا نۇكتەلەرىندە كەز كەلگەن تاۋار اقىسىن تولەۋگە بولادى. ءبىز سەرىكتەسىمىز AliPay+ سەرىكتەستىك ءۇشىن, ال سۇيىكتى كليەنتتەرىمىزگە - بىزبەن بىرگە بولعانى ءۇشىن العىس ايتامىز!», دەدى Kaspi.kz باسشىسى جانە نەگىزىن قالاۋشىلاردىڭ ءبىرى ميحايل لومتادزە.
قىتايداعى Ant International باس ديرەكتورى ۆەنەتسيا لي اتالعان سەرىكتەستىك ەكى ەل اراسىنداعى ساياحات پەن ساتىپ الۋ ساپاسىنا وڭ اسەرىن تيگىزەدى دەپ سانايدى.
«Alipay + Kaspi.kz-ءتى پايدالانۋشىلاردىڭ كوبى ءۇشىن قىتايدىڭ ماتەريك بولىگىندەگى ءموبيلدى تولەمدەردىڭ كەدەرگىسىز پروتسەسىن قامتاماسىز ەتۋ ءۇشىن, ءبىزدىڭ تۇڭعىش جانە قازاقستانداعى جەتەكشى ۇزدىك Kaspi.kz قوسىمشاسىمەن سەرىكتەستىك ورناتقانىن قۋانا جاريالايدى. بۇل سەرىكتەستىك Kaspi.kz-ءتى پايدالانۋشىلار ءۇشىن ساياحات پەن ساتىپ الۋ ساپاسىن جاقسارتادى. ءبىز ساياحات, ساۋدا جانە كوممەرتسيا ارقىلى ادامدار مەن قاۋىمداستىقتاردى جاقىنداستىرۋ ءۇشىن يننوۆاتسيالىق تەحنولوگيالارىمىزدى دامىتۋدى, قىزمەت كورسەتۋ ساپاسىن جاقسارتۋدى جالعاستىرا بەرمەكپىز», دەدى ول.
ساتىپ العان زاتتىڭ اقىسىن تولەۋ ءۇشىن Kaspi.kz قوسىمشاسىن اشىپ, AliPay+ قىزمەتىن تاڭداپ, ساتۋشىعا QR كودتى سكانەرلەۋگە مۇمكىندىك بەرسەڭىز بولعانى. نەمەسە ساتۋشىنىڭ QR كودىن سكانەرلەۋگە بولادى.
Kaspi QR كومەگىمەن قىتايدا ساتىپ العان زات اقىسىن قالاي تولەۋگە بولاتىنى تۋرالى تولىعىراق Kaspi.kz ءموبيلدى قوسىمشاسىنداعى گيد بولىمىنەن بىلۋگە بولادى.
