ءاردايىم قورشاعان ورتانى قورعاۋ ۇدەرىستەرىمەن بايلانىستا بولۋدى بىلدىرەتىن پلوگگينگ – الەمدىك تاجىريبەدە جاستار اراسىندا تانىمال ءىس-شارا. س.قوجانوۆ ساياباعىندا وتكەن مارافونعا قالاداعى ورتا ارناۋلى وقۋ ورىندارىنىڭ ستۋدەنتتەرىنەن قۇرىلعان 5 كوماندا وزدەرىنە تيەسىلى اۋماقتاردى جۇگىرىپ ءوتۋ ارقىلى قوقىس جيناۋدان جارىسقا قاتىستى. ءبىر ساعاتتا ساياباقتان 52 قاپ قوقىس جينالدى. ۇيىمداستىرۋشىلار بۇل ءىس-شارا سالاۋاتتى ءومىر سالتىن ۇستانۋ مەن تابيعاتقا دەگەن قامقورلىقتىڭ تاماشا ۇيلەسىمدىلىگى ەكەنىن ايتادى. جارىس ناتيجەسىندە جەڭىمپاز اتانعان كوماندالار العىسحاتتارمەن ماراپاتتالدى.
ال ارىس قالاسىندا اسكەريلەر يگى ىسكە اتسالىسىپ, جول بويىنداعى كولىك قوزعالىسىنا جانە جولاۋشىلارعا قاۋىپ تۋدىراتىن اعاشتاردى سانيتارلىق كەسۋ, اعاش بۇتاقتارىن جيناۋ جۇمىستارىن جۇمىلا اتقاردى. «بۇل اكتسيانى تەك مەملەكەتتىك قىزمەتكەرلەر نەمەسە اسكەري قىزمەتشىلەر عانا ەمەس, وتانداستار بولىپ قولداۋىمىز قاجەت», دەيدى ساربازدار.
ەكولوگيالىق اكتسيانىڭ «جاسىل ايماق» اپتالىعىندا ماقتاارال اۋدانىنىڭ ورتالىعى مىرزاكەنتتە 10 مىڭ ءتۇپ گۇل كوشەتى ەگىلدى. «تاۋەلسىزدىكتىڭ 30 جىلدىعى» ساياباعى مەن «جاستار» گۇلزارىنا, س.جاشتاەۆ پەن س.قوجانوۆ كوشەلەرىنە وتىرعىزىلعان كوشەتتەردىڭ ىشىندە گۇلدەردىڭ راۋشان, سالۆيا, پيتۋنيا اتتى تۇرلەرى بار. گۇل كوشەتتەرى ارنايى سارىاعاش, قازىعۇرت اۋداندارىنان اكەلىنگەن. اۋدان ورتالىعىندا ورنالاسقان بىرقاتار كاسىپكەرلىك مەكەمە دە ءوز اۋلالارىنا كوگالداندىرۋ جۇمىستارىن جۇرگىزدى.
بيىل تۇركىستان وبلىسىندا جالپى 1 ميلليوننان اسا ءتۇرلى كوشەت ەگۋ جوسپارلانعان. ونىڭ جارتىسى كوكتەم ايلارىندا, قالعانى كۇزدە ەگىلمەك. «جاسىل ايماق» اپتالىعىندا ءوڭىردىڭ بارلىق ەلدى مەكەنىندە تازالاۋ, اكتەۋ, سىرلاۋ, كوشەت ەگۋ, اعاش بۇتالاۋ, تۇپتەرىن قوپسىتۋ, سۋارۋ جۇيەلەرىن رەتتەۋ, قورشاۋلارىن قالپىنا كەلتىرۋ جۇمىستارى جۇرگىزىلدى. ال «كيەلى مەكەن» اپتالىعى كەزىندە وبلىس كولەمىندە 22 مىڭنان اسا ازامات تازالىق جۇمىستارىنا اتسالىسىپ, 496 تەحنيكا تارتىلعان. ناتيجەسىندە, وبلىستاعى 1 410 كوشەنىڭ بويى تازالانىپ, 7 816 دانا اعاش وتىرعىزىلدى. 16 508 دانا اعاش اكتەلىپ, 40 024 شارشى مەتر اياقجولدار تازالاندى. سونداي-اق 346 ساياباق پەن گۇلزار, 244 بالالار جانە سپورت الاڭشاسى رەتكە كەلتىرىلدى. 176 شاقىرىم كوپىر, وزەن-كانالدار مەن بۇلاقتاردىڭ ارناسى, 517 كوپقاباتتى تۇرعىن ءۇي اۋماعى مەن اۋلاسى, جەرتولەسى تازالاندى.
تۇركىستان وبلىسى
