زاماناۋي «كيىز ءۇي»

«ىزدەنگەن جەتەر مۇراتقا» دەگەن وسى شىعار. وتان­­­دىق ونەرتاپقىش ءابدى­­­مۇ­تالى دۇرمانوۆ ەلەكتر ەنەرگياسىن وندىرەتىن كيىز ءۇي پىشىندەس قۇرىلعى ويلاپ تاپتى. جەل مەن سۋدىڭ جانە كۇن ساۋ­لەسىنىڭ اسەرىمەن قوزعالىسقا تۇسەتىن بۇل «كيىز ءۇي» ەلەكتر ستانسالارىمەن سالىستىرعاندا قۋاتتى 3 ەسە كوپ ءارى 2 ەسە ارزان باعادا وندىرۋگە مۇمكىندىك بەرەتىن كورىنەدى. جەلدىڭ باعىتىنا قاراماستان كەز كەلگەن جاعدايدا ەنەرگيا وندىرە الاتىن ارتىقشىلىعى بار قوندىرعىنى جاساۋ ءۇشىن اۆتور 18 جىلدان استام ۋاقىتىن ارناپتى. قازىر ول وسى جوبانى ەكسپو-2017 كورمەسىنە ۇسىنۋدى جوسپارلاپ وتىر. ءا.دۇرمانوۆ: «قوندىرعىنىڭ كولەمى نەعۇرلىم ۇلكەن بولعان سا­يىن ودان الىناتىن ەلەكتر قۋاتى دا ارتا تۇسەدى. ونى كەز كەلگەن جەرگە ورناتۋعا بولادى. شىمكەنتتەگى زاۋىتتاردىڭ ءبىرى قىزىعۋشىلىق ءبىلدىرىپ, «كيىز ءۇيدىڭ» وندىرىستىك نۇسقاسىن جاسادى. ەندى قۇرالدى قوسالقى بولشەكتەرمەن جابدىقتاپ, سىناقتان وتكىزۋ عانا قالدى. بۇعان 1 ملن. تەڭگە قاجەت», – دەيدى. ونەرتاپقىشتىڭ ايتۋىنشا, ەگەر مۇنى قولدايتىن ينۆەستورلار تابىلىپ جاتسا, جوبا ءوزىن ءوزى 1 جىلعا جەتپەي اقتايدى ەكەن. جولدىباي بازار, «ەگەمەن قازاقستان».