تاڭعاجايىپ «Bاtyr mall»!..

وبلىس ورتالىعىندا ءومىرى بولماعان تاڭعاجايىپ «Bاtyr mall» اتتى ساۋدا-ويىن-ساۋىق ورتالىعى اشىلدى. قالا تۇر­عىن­دارى بالا-شاعاسىن, اتا-اپالار نەمەرەلەرىن ەرتىپ كوڭىلدى, قىزىقتى دەمالۋعا ءمۇم­كىندىك تۋدى. ساۋدا-ويىن-ساۋىق ورتا­لىعىنىڭ اشىلۋىنا وبلىس اكىمى قانات بوزىمباەۆ تا كەلدى. بۇكىل قالا تۇرعىندارىنا وسىنداي عاجايىپ كەشەندى كاسىپكەر ۆياچەسلاۆ رۋفف جىل سوڭىنداعى مەرەكەلەرگە تارتۋ ەتتى. كاسىپكەرگە وسى ورتالىقتى سالۋ ءۇشىن «بيزنەستىڭ جول كارتاسى-2020» باعدارلاماسى ارقىلى مەملەكەتتىك قولداۋ كورسەتىلدى. جوبانىڭ جالپى قۇنى – 1,5 ملرد. تەڭگە. جالپى اۋماعى 30 مىڭ شارشى مەتردى قۇرايدى. قازىر ساۋدا-ويىن-ساۋىق ورتالىعىنىڭ اشىلۋىنا قالالىقتار كوپتەپ كەلۋدە. ال تىنىمسىز قىزىقتاپ كەلىپ جاتقان تۇرعىندارعا بارلىق جاع­دايلار جاسالعان. ەندى قالا ىشىلىك باعىتتا جۇرەتىن ارنايى «Bاtyr mall» دەگەن اۆتوبۋس­تار شىعادى. سونداي-اق, جەكە كولىكپەن كەلۋشىلەرگە اۆتوتۇراق بار. ورتالىقتىڭ ءبىرىنشى, ەكىنشى قاباتتارىندا ساۋدا ورىندارى ورنالاسقان. ءدامدى اسحانا قىزمەتى دايىن. ءبىرىنشى قاباتتا 4 كينوزال سوڭعى ۇلگىدەگى تەحنولوگيامەن جاب­دىق­تالىپتى. بوۋلينگ زالى ورنالاسقان. سونداي-اق, ەكىنشى قاباتتا «ۆيكينگ لەند» اتتى بالالاردىڭ ويىن الاڭى, ءتۇر­لى اتتراكتسيوندار قىزمەت كورسە­تەدى. ۇلكەنگە دە, كىشىگە دە ءوز جاسىنا ساي ويىن-ساۋىقتى, قى­زىقتى قىزمەتتەردى تاڭداي الادى. وبلىس كاسىپكەرلىك, ساۋدا جانە تۋريزم باسقارماسىنىڭ باسشىسى الەكساندر بابەنكو­نىڭ ايتۋىنشا, ويىن-ساۋىق نىسانىنىڭ قۇرىلىسىنا مەملەكەت تاراپىنان 85 ميلليون تەڭگە سۋبسيديا بەرىلگەن كورىنە­دى. سونداي-اق, ورتالىققا قاراي كەلەتىن 640 مەترلىك جولدى قايتا قالپىنا كەلتىرۋگە قول­داۋ كورسەتىلىپتى. ورتالىقتا ون­دا­عان جاڭا جۇمىس ورىندارى اشىلدى. فاريدا بىقاي, «ەگەمەن قازاقستان». پاۆلودار.