اقمولا وبلىسىندا قوعامدىق مۋزەيلەر ماراپاتتالدى

كوكشەتاۋ. 7 قاڭتار. كوكشەتاۋدا اقمولا وبلىسىنىڭ «تۋعان جەر» وتان داڭقى قوعامدىق مۋزەيلەرى بايقاۋىنىڭ جەڭىمپازدارىن ماراپاتتاۋ شاراسى ءوتتى. بۇل تۋرالى egemen.kz حابارلادى. شارا ەلدىڭ «قازاقستان-2050: ءبىر ماقسات, ءبىر مۇددە, ءبىر بولاشاق» اتتى الەۋمەتتىك-ەكونوميكالىق دامۋ ستراتەگياسى مەن «ماڭگىلىك ەل» ۇلتتىق يدەياسى نەگىزىندەگى قازاقستان رەسپۋبليكاسى جاستارىن ۇزاق مەرزىمدى ماقساتتى پاتريوتتىق تاربيەلەۋ باعدارلاماسىن ىسكە اسىرۋ اياسىندا ۇيىمداستىرىلدى. بايقاۋعا 200-دەن استام قوعامدىق مۋزەي مەن مۋزەي تيپتەس قۇرىلىمدار, مادەنيەت ۇيىمدارى, مەنشىك ءتۇرى تاۋەلسىز ءبىلىم, سپورت جۇيەلەرى, بالالار, جاستار, ارداگەرلەردىڭ قوعامدىق قۇرىلىمدارى, ۇەۇ, ۇلتتىق مادەنيەت ورتالىقتارى, قوعامدىق مۋزەيلەردىڭ بارلىق تىلەك ءبىلدىرۋشى قۇرىلتايشىلارى قاتىستى. بايقاۋ ەكى كەزەڭمەن ءارى تارتىستى وتكەنىن ايتۋ كەرەك. ونىڭ جەڭىمپازدارى رەتىندە ءتۇرلى اتالىمدار بويىنشا توپ جارعان اقمولا وبلىسىنىڭ 24 قوعامدىق مۋەزيى ىرىكتەلىپ الىندى. بايقاۋدىڭ بارلىق قاتىسۋشىلارى ءتۇرلى ديپلومدارمەن, ارنايى توسبەلگىلەرمەن, قۇندى سىيلىقتارمەن, العىس حات جانە ماقتاۋ قاعازدارىمەن, سەرتيفيكاتتارمەن ماراپاتتالدى. ۇلى وتان سوعىسىنداعى جەڭىستىڭ 70 جىلدىعىنا, تىڭ يگەرۋدىڭ 60 جىلدىعىنا, قازاقستان رەسپۋبليكاسىنداعى حالىقتار دوستىعى مەن وسكەلەڭ ۇرپاقتىڭ مەمەلكەت پەن قوعام ومىرىنە ارالاسۋىنا ارنالعان تاقىرىپتىق ماتەريالدار دا جۇرتشىلىق نازارىنا ۇسىنىلاتىن بولادى. باقبەرگەن امالبەك. دەرەك: egemen.kz. سۋرەت: egemen.kz.