اقمولادا 351 ادام جۇمىسپەن قامتۋ باعدارلاماسىنا قاتىستى

كوكشەتاۋ. 7 قاڭتار. اقمولا وبلىسىندا «جۇمىسپەن قامتۋدىڭ جول كارتاسى-2020» باعدارلاماسىن ىسكە اسىرۋ بويىنشا جىل قورىتىندىسىنا ارنالعان سالتاناتتى شارا ءوتتى. بۇل تۋرالى egemen.kz ءتىلشىسى حابارلادى. مەملەكەتتىك باعدارلامانى ىسكە اسىرۋدا جەمىستى ىنتىماقتاستىعى ءۇشىن جەكە كاسىپكەرلەر مەن قالانىڭ ەڭبەك ۇيىمدارىنا العىس حاتتار بەرىلدى. قازىرگى تاڭدا كوكشەتاۋ قالاسىنىڭ جۇمىسپەن قامتۋ ورتالىقتارى تاراپىنان «جۇمىسپەن قامتۋدىڭ جول كارتاسى-2020» باعدارلاماسىنىڭ ءۇش باعىتى بويىنشا بەلگىلەنگەن جوسپارمەن 100 پايىز جۇمىس اتقارىلعان. باعدارلاماعا جالپى سانى 351 ادام قاتىستى. «ينفراقۇرىلىم مەن تۇرعىن ءۇي-كوممۋنالدىق شارۋاشىلىعىن دامىتۋ ەسەبىنەن جۇمىسپەن قامتۋ» باعىتى اياسىندا 7 جوبا ىسكە اسىرىلدى. وعان ءوزىن-ءوزى جۇمىسپەن قامتۋشىلار اراسىنان18 ادام قاتىسقان. ەكىنشى باعىت «كاسىپكەرلىك پەن تىرەك اۋىلداردى دامىتۋ ارقىلى جۇمىسپەن قامتۋ» بويىنشا 10 ادام «كاسىپكەرلىك نەگىزدەرىن» وقىپ شىقتى. رەسپۋبليكالىق بيۋدجەتتەن شاعىن نەسيەلەندىرۋگە 2014 جىلى 25 ميلليون تەڭگە بولىنگەن. ءۇشىنشى باعىت «جۇمىس بەرۋشى قاجەتتىگى اياسىندا وقىتۋ مەن قونىستاندىرۋ ارقىلى جۇمىسپەن قامتۋ» بويىنشا 82 ادام كاسىپتىك وقۋعا باعىتتالىپ, 116 ادام جاستار تاعىلىمداماسىندا بەلسەندىلىك تانىتتى. باقبەرگەن امالبەك. دەرەك: egemen.kz. سۋرەت: egemen.kz.