قوستانايدا جاسوسپىرىمدەردىڭ وزىنە قول جۇمساۋى 10 پايىزعا كوبەيگەن

قوستاناي. 8 قاڭتار. وتكەن جىلى قوستاناي وڭىرىندە جاسوسپىرىمدەردىڭ وزىنە قول جۇمساۋ ارەكەتى 10 پايىزعا كوبەيگەن. بۇل تۋرالى ng.kz حابارلادى. وكىنىشكە قاراي, جاسوسپىرىمدەر اراسىندا وزىنە قول سالۋ اركەكەتى جىلدان جىلعا ارتىپ كەلەدى. باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتى وبلىستىق باسقارماسىنىڭ باستىعى ەۆگەني پارحومەنكونىڭ مالىمەتىنشە, 2014 جىلى وبلىس وڭىرىندە جاسوسپىرىمدەردىڭ 65 وزىنە قول جۇمساۋ ارەكەتى تىركەلگەن. ونىڭ 11-ءى سۋيتسيدپەن اياقتالعان, 54 ادام ءوز ءومىرىن قيۋعا ارەكەتتەنگەن. ال 2013 جىلى 59 سۋيتسيد تىركەلسە, سونىڭ 15-ءى ولىممەن اياقتالسا, 44-ءى ارەكەتتەنگەن. ەۆگەني پارحومەنكو: «بالالاردىڭ وزىنە قول جۇمساۋىنىڭ باستى سەبەبى – وتباسىنداعى ۇرىس-كەرىس, ءوزىنىڭ جاقسى كورەتىن ادامىمەن ۇرىسىپ قالۋ, كۇردەلى الەۋمەتتىك-پسيحولوگيالىق جاعداي. بالانىڭ وزىنە قول جۇمساۋىنا كوبىنەسە وتباسىنىڭ ماتەريالدىق جاعدايى ەمەس, بالالار مەن ەرەسەكتەر اراسىنداعى تۇسىنىستىكتىڭ جوقتىعى اسەر ەتەدى. 2013 جانە 2014 جىلدارى وزىنە قول جۇمساۋعا ارەكەت ەتكەن, سۋيتسيدكە بارعان نەگىزىنەن 15-17 جاستاعى بالالار. بۇل ۋاقىتتا جاسوسپىرىمدەردە نەگىزىنەن پسيحولوگيالىق تۇراقسىق مىنەز, كوڭىل-كۇي بايقالادى», – دەدى. وتكەن جىلى كوكتەمدە تەحنيكالىق كوللەدجدىڭ 17 جاسار ستۋدەنتى قارابالىق اۋدانىنداعى قوسوبا اۋىلىنداعى سارايدا اسىلىپ قالعان. سەبەبى, وعان اتا-اناسىنىڭ مەيىرىمى جەتپەگەن كورىنەدى. ستاتيستيكا كورسەتكەندەي, قىزدار وزىنە قول جۇمساۋعا ءجيى بارادى, اسىرەسە, ۇلدار ارەكەتتەنسە ونى اياعىنا دەيىن جەتكىزەدى ەكەن. ە.پارحومەنكونىڭ ايتۋىنشا, ۇلدار تابيعاتىنان ويىنا العان ارەكەتىن اياقتاۋعا, سوزىندە تۇرۋعا ۇمتىلادى. ءنازيرا جارىمبەتوۆا. دەرەك, سۋرەت: ng.kz.