جاڭا جىلدىق جارمەڭكە

جاڭا جىل قارساڭىندا حالىقتىڭ ساۋدا ورىندارى مەن دۇكەن, بازار جاعالايتىنى, داستارقانعا مول ازىق-ت ۇلىك تاسيتىنى بەلگىلى. وسىنى ەسكەرگەن ءوڭىر باسشىلىعىنىڭ ۇيىتقى بولۋىمەن وسكەمەندەگى «فرەش ماركەت» فەرمەرلىك گاسترونومىنىڭ جانىندا تارباعاتاي اۋدانىنىڭ ازىق-ت ۇلىك جارمەڭكەسى ءوتتى. مال شارۋاشىلىعىمەن اينالىساتىن تارباعاتايلىقتار جارمەڭكەگە 47 باس ءىرى قارا, 83 باس قوي, 1 تۇيەنىڭ ەتىن اكەلگەن ەكەن. سونداي-اق, زايسان كولىنەن تۇعىل اۋىلىنىڭ تۇرعىندارى اۋلاعان 1,5 توننا بالىق جەتكىزىلدى. ودان بولەك 50 ليتر قىمىز, 50 كيلودان استام سارى ماي, قۇرت-ىرىمشىك, ايران سياقتى ءسۇت ونىمدەرى دە سورەگە قويىلدى. ايتا كەتكەن ابزال, جارمەڭكەدەگى ازىق-ت ۇلىك بازار نارقىنا قاراعاندا 30-40 پايىزعا دەيىنگى تومەن باعامەن ساتىلدى. – جارمەڭكەدە سيىر ەتى 700 تەڭگەدەن ساتىلىپ جاتىر. بازاردا 1200-1300 تەڭگەگە ساتى­لاتىنىن ەسكەرسەك, بۇل – اجەپ­تاۋىر تومەن باعا. قىمىز­دىڭ ءليترى 300 تەڭگەدەن ساتىلدى. بازاردا كەم دەگەندە 600 تەڭگەدەن باعالانادى. سون­دىقتان, مۇندا بارلىق تاۋاردى حالىق بىردەن ساتىپ الىپ كەتەدى, – دەيدى قالا تۇرعىنى نادەجدا ۆاسيلەۆنا. شىنىندا, تاڭ اتپاي ءجار­مەڭ­كەگە اعىلعان جۇرتتىڭ قاراسى قا­لىڭ ەدى. ءتۇس اۋا فەرمەرلەر بار­لىق ونىمدەرىن ساتىپ بولعان­دارىن ايتتى. – جارمەڭكەدە 22 ميلليون تەڭگەنىڭ ءونىمى ساتىلدى. وعان 17 اۋىلدىق وكرۋگ پەن 54 شارۋا قوجالىعى قاتىستى, – دەدى تار­با­عاتاي اۋدانىنىڭ اكىمى دىلدابەك ورازباەۆ. دۋمان اناش, «ەگەمەن قازاقستان». شىعىس قازاقستان وبلىسى.