ءىس-شارانى الماتى قالاسى اكىمىنىڭ ورىنباسارى الىشەر ابدىقادىروۆ اشىپ, ول قالانىڭ تازا اۋاسى مەن قالدىقتارمەن كۇرەسۋدەگى جۇرگىزىلىپ جاتقان جۇمىستاردىڭ العاشقى ناتيجەلەرىن ءبولىستى.
ء«بىز ارىپتەستەرىمىز بەن دوستارىمىزدى سۇيىكتى الماتىنىڭ كوكتەمىندە, وتاندىق ەكو-سالانىڭ قازاقستاندا عانا ەمەس, جالپى وڭىردەگى باستى وقيعالارىنىڭ بىرىنە اينالعان جىل سايىنعى كاسىبي الاڭىمىزدا قۋانا قارسى الامىز. قاتىسۋشىلارعا ءتيىمدى جەلىلەر, ساپالى مازمۇندا بىرەگەي كەيستەر مەن ەڭ وزەكتى اقپاراتتار بەرىلدى», دەيدى «Eco Network» نەگىزىن قالاۋشى ەۆگەني مۇحامەدجانوۆ.
اتالعان فورۋمعا «حالىقارالىق جاسىل تەحنولوگيالار جانە ينۆەستيتسيالىق جوبالار ورتالىعى» كەاق باسقارما توراعاسىنىڭ مىندەتىن اتقارۋشىسى ديدار قارىمساقوۆ, «ESG Officer KASE» كومپانياسىنان مادينا قاسىمباەۆا, «KazakhTourism» ۇلتتىق كومپانياسىنىڭ باسقارما توراعاسى قايرات سادۋاقاسوۆ, «ەقدب geff» جاسىل قارجىلاندىرۋ باعدارلاماسى باسشىسىنىڭ ورىنباسارى ەكاتەرينا كارتسەۆا جانە قازاقستاننىڭ قۇرمەتتى ەكولوگى ءارى «ESG-Lab» قۇرىلتايشىسى سەرگەي تسوي قاتىسىپ, ءبىراز ماسەلەنى تالقىلاعانى بار.
«ەكو-ديرەكتورلار Meet-up» فورماتىندا ء بىلىم بەرۋ-اقپاراتتىق مودۋل ماڭىزدى كەيستەردى تالداۋعا ارنالعان. ESG, جاسىل قارجىلاندىرۋ, ەنەرگيا كوزدەرىنىڭ تيىمدىلىگى مەن جاسىل شەشىمدەردى سۋبسيديالاۋ. «جاسىل ستارتاپتار» پيتچينگىندە «GreenTech, CleanTech, ClimateTech» سالاسىنداعى ۇزدىك يننوۆاتسيالىق ازىرلەمەلەر قارالدى. كونكۋرس جەڭىمپازدارىنا ء وز ستارتاپتارىن ىسكە اسىرۋ ءۇشىن كونسۋلتاتسيالىق جانە تالىمگەرلىك كومەك پەن 1 ملن تەڭگە جۇلدە بەلگىلەنگەن.
اتالعان شارا وسىدان بەس جىل بۇرىن وڭتۇستىك استاناداعى قالا تۇرعىندارى مەن بيزنەس وكىلدەرى ء ۇشىن ديالوگ الاڭى رەتىندە قۇرىلدى. «USAID» كاسىپكەرلىكتى جانە بيزنەس-ورتانى دامىتۋ جوباسى – «City Experiment Fund» وڭىرلىك جوباسى شەڭبەرىندە, Sergek group, Home Credit Bank, بۇۇدب, Astana Hub, KazakhTourism, igtic, Most بيزنەس-ينكۋباتورىنىڭ قولداۋىمەن ىسكە قوسىلعان ەدى. 2018 جىلدان باستاپ «Eco Network» كومپانياسى ESG, ەكو-بوكستاردى ورناتۋ, بولەك جينالعان قالدىقتاردى شىعارۋ, ستاتيستيكا مەن تالداۋدى جۇرگىزۋ قاعيداتتارىنا وقىتۋ ارقىلى ەلىمىزدەگى كومپانيالاردىڭ جاڭا HR-برەندى, ەكو-ءيميدجىن دامىتۋعا جانە قالىپتاستىرۋعا باعىتتالعاندىعىن ايتۋعا بولادى. USAID – ورتالىق ازيا ەلدەرىمەن بىرلەسە الەۋمەتتىك جانە ەكونوميكالىق ءال-اۋقاتتى قامتاماسىز ەتۋگە جاردەمدەسەتىن امەريكانىڭ جەتەكشى ۇكىمەتتىك اگەنتتىگى.
