سولتۇستىكقازاقستاندىق كاسىپكەر مەشىت سالىپ بەردى

پەتروپاۆل. 5 قاڭتار. ەسىل اۋدانىنداعى جارقايىڭ اۋىلىندا جاڭا مەشىت حالىق يگىلىگىنە تاپسىرىلدى. بۇل تۋرالى «قىزىلجار» ورتالىق مەشىتىنىڭ ءباسپاسوز قىزمەتى حابارلادى. اللا تاعالانىڭ جەردەگى ءۇيىن وسى اۋىلدىڭ تۋماسى, بۇگىندە الماتىدا تۇراتىن جەكە كاسىپكەر دۋلات قاليتوۆ ءوز قاراجاتىنا تۇرعىزدى. عيباداتحانانىڭ سالتاناتتى اشىلۋىنا «قىزىلجار» ورتالىق مەشىتىنىڭ باس يمامى كەنجەتاي قاجى بايكەمەل ۇلى, اۋدان اكىمى مۇراتبەك ابىشەۆ الماتىدان, استانادان قوناقتار, اۋىل تۇرعىندارى قاتىستى. جارقايىڭ اۋىلىندا العاشقى مەشىت 1853 جىلى سالىنىپتى. ونى اشۋعا دانيار بي وراز ۇلى دەگەن اقساقال مۇرىندىق بولىپتى. 1930 جىلى قۇلشىلىق ورنى بۇزىلىپ, مەكتەپكە اينالدىرىلىپتى. – مەشىت سالۋداعى نيەتىم داۋلەتىمدى كورسەتۋ ەمەس, كەرىسىنشە, اۋىل جۇرتى مەشىتسىز قالماسىن دەگەن ويدان تۋعان ەدى. بيىل كاسىپورىن اشۋدى جوسپارلاپ وتىرمىن», – دەيدى جەكە كاسىپكەر دۋلات قاليتوۆ. عيباداتحانا قۇرىلىسىن تولىعىمەن ءوز موينىنا العان ول قاجىلىق پارىزىن وتەپ كەلىپتى. مەككە-ماديناعا جاساعان ساپارىنان الا كەلگەن قۇران كارىم مەن جاينامازدى مەشىتكە تارتۋ ەتتى. ارۋاقتارعا دۇعا باعىشتالىپ, اس بەرىلدى. ءبىر جارىم جىلدىڭ ىشىندە سالىنىپ, پايدالانۋعا بەرىلگەن عيباداتحانادا كىتاپحانا, اسحانا جۇمىس ىستەيدى. قازىرگى كۇنى وڭىردەگى مەشىتتەر سانى 67-گە جەتتى. ءومىر ەسقالي. دەرەك: «قىزىلجار» ورتالىق مەشىتىنىڭ ءباسپاسوز قىزمەتى. سۋرەت: muftyat.kz.