فوتو: Pixabay.com
سەناتور اتالعان زاڭعا ەنگىزىلگەن تۇزەتۋلەر جاس ۇرپاقتىڭ دەنساۋلىعىن ساقتاۋ مەن مەديتسينا قىزمەتكەرلەرىن قۇقىقتىق جانە قارجىلىق تۇرعىدان قورعاۋ جۇيەسىن ەنگىزۋگە جانە ولاردىڭ جاۋاپكەرشىلىگىن ارتتىرۋدا ماڭىزى زور ەكەنىن اتاپ ءوتتى.
«دارىگەرلەرگە مەملەكەت تاراپىنان بىرقاتار جاقسى جاعدايلار جاسالىپ جاتىر.
زاڭ ارقىلى مەديتسينا قىزمەتكەرلەرىنىڭ كاسىبي جاۋاپكەرشىلىگىن ساقتاندىرۋ تەتىگى ەنگىزىلدى (زاڭ رەسمي جاريالانعاننان كەيىن 6 اي وتكەن سوڭ قولدانىسقا ەنەدى).
سونىمەن قاتار مەديتسينا قىزمەتكەرلەرىن قولداۋعا باعىتتالعان تۇزەتۋلەر قابىلداندى. اتاپ ايتقاندا:
تۇرعىلىقتى جەرى بويىنشا مەكتەپكە دەيىنگى ۇيىمداردان بالالارى ءۇشىن باسىم تارتىپپەن ورىن الۋ, كاسىبي قىزمەتىنە زاڭسىز ارالاسۋدان جانە كەدەرگى كەلتىرۋدەن قورعاۋ, ماماندىعىنا قۇرمەتپەن قاراۋ, مەديتسينالىق ماماندىعى بويىنشا اسكەري قىزمەتىن وتكەرۋ نەمەسە اسكەري قىزمەتكە شاقىرۋدى كەيىنگە قالدىرۋ قۇقىقتارى بەرىلدى;
«قازاقستاننىڭ ەڭبەك سىڭىرگەن دارىگەرى» قۇرمەتتى اتاعى – مەملەكەتتىك ناگراداسى بەلگىلەندى;
باسى ارتىق ەسەپ نەمەسە اقپارات بەرۋدەن بوساتۋ ءۇشىن دەنساۋلىق ساقتاۋ سالاسىنداعى ۋاكىلەتتى ورگان بۇدان بىلاي مەديتسينا قىزمەتكەرلەرى تولتىرۋعا مىندەتتى قۇجاتتاما تىزبەسىن بەكىتەدى;
اسا تاپشى ماماندىقتى مەڭگەرگەن مەديتسينا قىزمەتكەرلەرى اۋىلدىق جەرگە كەمىندە 5 جىل جۇمىس ىستەۋگە كەلگەن جاعدايدا, وعان ەڭ تومەنگى جالاقىنىڭ 100 ەسەلەنگەن مولشەرىندە بىررەتتىك اقشالاي تولەم بەرىلەدى», دەپ جازدى نۇرتورە ءجۇسىپ.
سونداي-اق, سەناتور زاڭدا شەگۋگە كەلمەيتىن تەمەكى ونىمدەرىن, ۆەيپتەردى, حوش يىستەندىرگىشتەردى جانە ولارعا ارنالعان سۇيىقتىقتاردى ساتۋعا, تاراتۋعا, سونداي-اق ولاردى جارنامالاۋعا تىيىم سالۋ قاراستىرىلعانىن مالىمدەدى. (بۇل نورما رەسمي جاريالانعاننان كەيىن 60 كۇن وتكەن سوڭ قولدانىسقا ەنگىزىلەدى).
