فوتو: پرەزيدەنتتىڭ ءباسپاسوز قىزمەتى
كۇنى كەشە ىسكە قوسىلعان جاڭا قىزمەت سۋ تاسقىنىنان زارداپ شەككەن بارلىق وڭىردەگى ازاماتتارعا قولجەتىمدى. تۇرعىندار ەندى تىكەلەي «eGov mobile» قوسىمشاسى ارقىلى شىعىندى وتەۋ تۋرالى ءوتىنىمدى وڭاي ءارى ىڭعايلى بەرە الادى.
بۇل قىزمەتتى قر تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى ەڭبەك جانە حالىقتى الەۋمەتتىك قورعاۋ مينيسترلىگىمەن, سونداي-اق «ۇات» اق-مەن بىرلەسىپ ازىرلەدى.
جاڭا سەرۆيستى پايدالانۋ ءۇشىن ازاماتتارعا eGov mobile ءموبيلدى قوسىمشاسىنىڭ باستى بەتىنە ءوتىپ, ءتيىستى باتىرمانى تاڭداۋ جەتكىلىكتى.
مينيسترلىك ءوتىنىم قاعاز تۇرىندە بەرىلگەن بولسا, ونى قايتا جىبەرۋدىڭ قاجەتى جوق ەكەنىن, اقپارات اۆتوماتتى تۇردە ەسەپكە الىناتىنىن ايتتى.
